పుట:Geethamulu, basavaraju apparao (1934).pdf/14

వికీసోర్స్ నుండి
ఈ పుట ఆమోదించబడ్డది

చెవిటి మల్లయ్య పెళ్లి

(శ్రీశైలయాత్ర)

   హృదయమా! సంద్రమునకన్న పది పదింత
      లతివిశాలపు కమ్మ! దేవాధిదేవు
      డగు మహాదేవు కరుణామృతంపు వాహి
      నులను నీలోన కలుపుకోవలెను కాదె !

   ఇది మహాదేవు సామ్రాజ్య మిచట నీకు
      నీతిబాధల భయ మించుకేని లేదు
      సకల శుభములు నొదవు నిస్సంశయమ్ము
      శివునిపే రశుభాలకు చెంపపెట్టు !

   పవను డనుకూలుడౌ దప్పి వాపికొనగ
      కొండవాగులలో నీరు గ్రోలి తమిని
      ఇటు నటులు జూడకే కాలు దిటముగాను
      మెట్లపై నూని పై కెక్కు మృదులగాత్రి !

   హరహరా, శంకరా, మల్లికార్జునుండ !
      ౘదుకో, చెవిటి మల్లయ్య ౘదుకొమ్మ
      టంచు నుత్సాహమున పైకి నరుగుచుండ్రి
      తోడి యాత్రికు లరుగోనె తోయజాక్షి !