పుట:Geethamulu, basavaraju apparao (1934).pdf/128

వికీసోర్స్ నుండి
Jump to navigation Jump to search
ఈ పుట ఆమోదించబడ్డది


సుందరాంగు లెంద రున్న
    చూడ డించుకేని వారి
        నతడే నీ నాథు డంచు
        నతివ నే నెఱింగితినే!"

"అంతమాత్ర నెట్టులందు
వతడే నా నాథుడంచు?"

    "చెలియ! నిన్న నీవు ముద్దు
    చేతులతో గూర్చినట్టి
    కలువపూలదండ యతని
    కంఠసీమ నలర గంటి

        నతడే నీ నాథు డంచు
        నతివ! తెలియ జాలనటే?"

పాడుసిగ్గు

దేవ! నా కనులముందు
తేజరిల్లు మెప్పటట్లు దేవ! నా ||
ప్రణయపూర్ణ హృదయుడవై
భాసమాన దేహుడవై