పుట:Geethamulu, basavaraju apparao (1934).pdf/116

వికీసోర్స్ నుండి
Jump to navigation Jump to search
ఈ పుట ఆమోదించబడ్డది



పతికి కునుకు పట్టగ లో
పలకు వత్తుగాని తాళు
     తాళుము కృష్ణా
           కాస్తసేపు
     తాళుము కృష్ణా!

నుదుట బొట్టు దిద్దలేదు
చెదరియున్న ముంగురులను
కుదురుజేయలేదు యేల
పదె పదె పిలచెదవురా
     తాళుము కృష్ణా
          కాస్తసేపు
     తాళుము కృష్ణా

ఏల నంత తత్తరమ్ము
ఏల నంత భయము, సామి?
నిన్నుగాక వేరొక్కని
నెట్లు వలవగలను కృష్ణ!
     తాళుము కృష్ణా
            కాస్తసేపు
     తాళుము కృష్ణా!