(7) శ్లో॥ 18 : ఉదారాః సర్వ ఏవైతే
జ్ఞానీ త్వాత్మైవ మే మతమ్ ।
ఆస్థితః స హి యుక్తాత్మా
మామేవానుత్తమాం గతిమ్ ॥ (జీవాత్మ,పరమాత్మ)
(7) శ్లో॥ 19 : బహూనాం జన్మనామంతే
104
జ్ఞానవాన్ మాం ప్రపద్యతే ।
వాసుదేవః సర్వమితి
స మహాత్మా సుదుర్లభః ॥ (జీవాత్మ,సాకారము)
(7) శ్లో॥ 20 : కామై స్తై స్తై ర్హృతజ్ఞానాః
ప్రపద్యంతేన్యదేవతాః ।
తం తం నియమమాస్థాయ
ప్రకృత్యా నియతాః స్వయా ॥ (జీవాత్మ)
(7) శ్లో॥ 21 : యో యో యాం యాం తనుం భక్తః
శ్రద్ధయార్చితుమిచ్ఛతి ।
తస్య తస్యాచలాం శ్రద్ధాం
తామేవ విదధామ్యహమ్ ॥ (జీవాత్మ)
(7) శ్లో॥ 22 : స తయా శ్రద్ధయా యుక్తః
తస్యారాధనమీహతే ।
లభతే చ తతః కామాన్
మjైువ విహితాన్ హి తాన్॥ (జీవాత్మ)
(7) శ్లో॥ 23 : అంతవత్తు ఫలం తేషాం
తద్భవత్యల్పమేధసామ్ ।
దేవాన్ దేవయజో యాంతి
మద్భక్తా యాంతి మామపి॥ (జీవాత్మ)
పుట:Geetham Geetha Total.pdf/105
ఈ పుట ఆమోదించబడ్డది