పుట:Geetanjali (Telugu).pdf/84

రాత్రి నీయాటఁ జాలింప ♦ రాజ! నీవు
దలఁచితేనియు గాఢమౌ ♦ ధ్వాంతముననొ
యమలప్రాభాతవిస్మిత ♦ మందు నేని
స్వఛ్చతర మై వెలింగెడు ♦ శైత్యముననొ

కలసిపోవుదుఁ గనులకు ♦ గాన రాక

81

ఎన్నియోమార్లు తోఁచక ♦ యున్నవేళ
వమ్ముగాఁబుచ్చి నట్టికా ♦ లమ్ముఁ గూర్చి
యుల్లమున నే గరమ్ముఁ జిం ♦ తిల్లినాఁడఁ;
గాని నాకాల మూరక ♦ కడవ లేదు.
దేవ! నాజీవితమునఁ బ్ర ♦ తిక్షణమును
స్వయముగా నీకరమ్ములఁ ♦ బట్టినావు.
అన్నిఁటను గల్గి లోలోన ♦ నలరు చుండి
పూన్కితో విత్తనమ్ముల ♦ మొలకలుగను!
మొగ్గలను సాంపుగుల్కెడు ♦ పువ్వులుగను,
బూల ఫలములుగాఁ జేసి ♦ ప్రోతు వీవు.
బడలి తొఁచక పాన్పుపైఁ ♦ బండి యుండి
యాఁగెఁ బనులెల్ల ననుకొంటి ♦ హాయిఁ గంటి
లేచి వేకువఁ దోఁటను ♦ జూచుసరికి
వింతవింతల విరులచే ♦ వెలసి యుండె.