ఈ పుటను అచ్చుదిద్దలేదు
చిన్న చిన్న వాక్యములనువ్రాస్తే ఇట్టి చిక్కులనేకము తొలగి పోవును కాని కొన్ని భావములను చిన్న చిన్న వాక్యములుగా త్రించివేయుటకు వీలులేని సందర్బములలో వాటిని వ్రాయక తప్పడు. శాసనములలోని క్లాజులు, తీర్మానములలోని వాక్యభాగముగముల్ (Phrases) విడదీయుట కెట్లుసాధ్యము? కనుక వీనిని వ్రాయునప్పుడు లేఖకులు జాగ్రత్తగా ఉండవలనని ఉషారు చెప్పుటకంటే మన మధికము చేయజాలము.
ఇవికాక విభక్తుల ప్రయోగములలోనే మునుపటికిని, ఇప్పటి వాడుకకును భేదము కనిపించుచున్నది. నావల్ల కదు అనుటకు అతి తరచుగా నా చేత కాదనుచున్నాము దానియందు లెక వాని యందుకున్ను దానిలోలేక వారిలో అనువిభక్తులకున్ను భేదము చేయక కలగాపులగముగా వాడుచున్నాము. వానికి చెప్పితిమి అనుటకు వానితొ చెప్పితిమనుచున్నాము. ఇటువంటి సందర్భములలో సరియైన విభక్తిని ప్రయోగిస్తేనే సబబుగానూ, వాడుకలోని విభక్తిని ప్రయోగిస్తేనే వికారముగానూ, వాడుకలోని విభక్తిని ప్రయోగిస్తేనే సబబుగా కనిపించును. బహుళములు, ఆదేశములు మొదలగు వానిమూలకముగా చిన్నయసూరిగారు ఇటువంటి మార్పులు కొన్నింటికి శాంక్షను ఇచ్చియున్నారు. గనుక వానిలో ఈ మొదలైన వానిని నవవ్యాకరణవేత్తలు చేర్చవలసి యుంటుంది.
ఇంతవరకు పదములు వాక్యములను గురించియే మన మాలోచించి యున్నాము. ఇమ విషయమునకు వత్తము కేవలము సాహిత్యమును గూర్చిన శ్రద్ధ ప్రపంచమునందే నానాటికి సన్నగిల్లుచున్నది. కేవలసాహిత్యపరిజ్ఞానమును చర్చలకును యెవరెవరో రసికుల యొక్క విలాసములకు విడచి పెట్టవలసినదిగాను, విషయ పరిజ్ఞానమే మానవులకు పరమావదిగాను నేడు తలచుబడుచున్నది. ఏదో హిస్టరీయో, జాగ్రఫీయో, సైన్సో రాజకీయగ్రంధమో, అర్ధశాస్త్రప్రసంగమో, కోఆపరేషను భోగట్టాయో, లేబరు సమస్యయో, రైతులబాధలో అయితే జనసామాన్యము దానివైపునకు దృష్టిని పరపుచున్నారు. కవిత్వమో, కళయో అయితే దానిని మూజూచి విడచుచున్నారు. అదవా అట్టివానిని వంటికి పట్టించుకున్నను, కాస్తతీరిక సమయల్ విలాసముగా మాత్రమేభావించుచున్నారు. పద్యాలను, పాటలను తమ పత్రికలలో ప్రకటింపనొల్లని అనేక ఆంధ్ర ఆంగ్ల పత్రికాధిపతులు నేడు వేనవేలున్నారు. ఆఖరుకు చిన్న కధలకు గూడా ఒక మూల తావివ్వని పత్రిలలు కొన్ని ఉన్నవి.
గరిమెళ్ళ వ్యాసాలు
