వలన వారైన మోసపోవుచుండవలెను లేదా వారు మోసపోకుండా కృత్రిమముగా ప్రజలను మోసపుచ్చుచునైన యుండవలెను. కుత్సితులు కాకున్నచో వారు రెండవపని చేయరు. అయినను రాజకీయములలోని నాయకుల చర్యల కట్టి కళంకములు పెట్టుట యపచారము. అది కేవలము రాజనీతి విశేషమే. అయినను పార్టీలెక్కువై రాజనీతినెక్కువ ప్రయోగించుకొని ఒకరి నొకరు దూషించుకొనుటకు దిగగానే రాజనీతిమీద ముసుగు తొలగిపోయి దాని యాదార్థ్యమగు కపటము గోచరించక మానదు. సంపూర్ణ శాసన సభా బహిష్కారమునకు సంపూర్ణ సహకారమునకు మధ్యన మెట్టలు లేవని లాలాజీ యే వాక్రుచ్చి జాతుల సంఘటనము లేమిచే మొదటిది సాధ్యము కాదు కనుక రెండవదానినే చేయవలసినదని హెచ్చరించలేదా? సముచిత సహకార వాదులు తమ కిష్టములేని బిల్లుల నెదిరించి యోడిపోవుచు కావలసినవి ప్రవేశపెట్టి యోడుచు గింజుకొనుచు సహకారము చేయవలసినదే. వారు ప్రజలను భ్రమపెట్టకుండవలెననెడి నిజాయితీ కోరుచో సముచిత శబ్దమును తీసివేసి సంపూర్ణ శబ్దమును పెట్టుకొనవలెను.
ఇట్లయినచో వీరికిని జస్టిసు వర్గము వారికిని భేదమే లేదు. వారు ప్రతిఘటనమును సముచితమును రెండును సాధ్యము కావు కనుక సంపూర్ణ సహకారము చేయుచు రాజభక్తితో తోకనాడించుకొనుచు అబ్బినన్ని ఉద్యోగములన్యుల కెవ్వరికి పోనీయకుండ తామే బొక్కుచుండుటయే శ్రీ త్యాగరాజ శెట్టి వారి సిద్ధాంతమనియు ఆ మహనీయుడు గాంధి దాసు తిలకుల కంటె కూడా దివ్యదృష్టి కలవాడనియు చాటుచున్నారు. వారు పెట్టుచున్నది కూడా భ్రమయే. ఏలనన వారి పక్షమువారి కందరికైనను వారుద్యోగముల నెట్లింపించగలరు? నిరుద్యోగ సమస్య జస్టిసు ప్రభుత్వములో నేమైన సుముఖంగా పరిష్కారం కాఁగలదా? యెవరో నోరుగల కొందరు స్వార్థపరులు మాత్రమే రొట్టె విరుచుకు తింటున్నారు. తక్కిన కోటానుకోట్ల యెం.యేలు. బి.యల్‌లు బి.యేలు వారివైపునకు చేయిచాచుకొని యేడ్చు చున్నారు. దేశమంతా కొలువులకు పోతే వీరికి కచేరీ లెక్కడ కట్టగలరు? స్వరాజ్యాము వచ్చి వీరికి కొలువుకు పోయే విద్యనేర్పకుండా స్వతంత్రముగా బ్రతికే ఉపాధులను తెరచి పెట్టవలనేగాని, ఎన్నికల రంగములో ఈ పార్టీ యొక్కటియే అయినను యిన్నాళ్ల ప్రచారములు చల్లగా జరిగిపోయినవి. కాని పోటీదారు లెక్కువ కాగానే ప్రతిపక్షము వారును వీణెలు పెట్టుకొని పరస్పర జాతి మత ద్వేష గీతములను
గరిమెళ్ళ వ్యాసాలు
93
