ఈ పుట అచ్చుదిద్దబడ్డది
ప్రథమాశ్వాసము
3
భాసురచరలింగపటుదీప్తిఁ బరగు
నాకాలకంధరు ననవద్యహృద్య
సాకారవిభ్రమవ్యాప్తిఁ బెంపారు 50
నా దేవువీరవ్రతాచారసార
మేదురస్ఫురణమై మించి వెలుంగు
జంగమరత్నంబు శకణసమ్మతుఁడు
లింగైక్యవర్తి గతాంగవికారి
పండితారాధ్య కృపాసముద్గతుఁడు
మండితసద్భక్తిమార్గ ప్రచారి
విలసితపరమ సంవిత్సుఖాంభోధి
నలిఁ గరస్థలి సోనునాథయ్యగారు ;
బసవనికారుణ్యరససుధావార్థి
నసదృశలీల నోలాడుచు నిత్య 60
నియమవ్రతాచార నిరుపమనిష్ఠ
క్రియగొనఁ దత్త్వనిర్ణయము సంధిల్ల
నతులగోష్ఠీ సుఖస్థితిఁ బేర్చుభక్తి
మతినియమంబుల మల్లినాథుఁడును ;
నాదివేదాంతసిద్ధాంతపురాణ
వేదశాస్త్రాగమవిహితమార్గములఁ
దనుమనోధననివేదనసమగ్రతయుఁ
బనుగొన జంగమార్చనలు సేయుచును
నోలిమై [1] గ్రామసీమాలంఘనవ్ర
తాలంకృతిని బేర్చి యాచారలీల 70
యసలారఁగాఁ గుమారాద్రికిఁ దూర్పు
దెసను సోపానముల్ దీర్చి పొల్పార
మహితసద్భక్తి సమంచితవృత్తి
- ↑ తానుండు గ్రామముయొక్క పొలిమేరను దాఁటి చరింపక, యున్న గ్రామమునందే నిత్యము తన యాచారవిధుల నిర్వహించుట. ఇది వీర శైవుల చతుష్షష్ట శీలములలో నొకటి.
