98
బసవపురాణము
దల్లి పుచ్చునె సుతు వల్లకాటికిని ?
దల్లి లేకుండినతనయుండు గాన
ప్రల్లదుఁ డై యిన్నివాట్లకు వచ్చెఁ ; 570
జ న్నిచ్చి పలుమాఱు వెన్నయుఁ బెట్టి
పన్నుగా నిన్నియుఁ బాలును బోసి
యాఁకొనఁగాఁ గడు పరసి పాలిచ్చి
సాఁకించి పెనుపదే జనని గల్గినను ?
దా నింతవాఁ డయ్యెఁ దల్లి లేకయును
దా నెంత పెరుఁగునో తల్లిగల్గినను ?
బెండ్లిండ్ల నోములఁ బేరంటములను
బండువుదినములఁ బాటిజాతరలఁ
దగినపోఁడిమి సేయుతల్లి లేకున్న
వగవరే మఱి యెట్టి మగబిడ్డ లైన ? 580
నూర కుపేక్షించి యుండంగఁ దగునె?
యారంగఁ దల్లి నై హరుని నేనై న
నరసెదఁగాక; యి ట్లఱలేక పెనుచు
తరుణియకా దెట్లు దల్లి దా" ననుచు
ననయంబు బెజ్జమహాదేవి దాన
జనని యై పరమేశుఁ దనయుఁ గావించి
[1]తొంగిళ్ల పై నిడి లింగమూ ర్తికిని
సంగన గావించు నభ్యంజనంబు ;
ముక్కొత్తుఁ, జెక్కొత్తు, ముక్కన్నుఁ బులుము,
సక్కొత్తుఁ, గడు పొత్తు నట, వీఁపు నివురుఁ, 590
బెరుఁగంగవలె నని తరుణి వీడ్వఁడఁగఁ
జరణము ల్కరములుఁ జాఁగంగఁ దిగుచు,
నలుఁగులు నలుచు నర్మిలి గట్టిపెట్టి
జలములు వీఁపునఁ జఱచు నంతంత,
- ↑ తల్లులు చంటిపిల్లలకుఁ దలంటునపుడు వారు పరుండుటకయి దగ్గిఱకుఁ జేర్చి సాచియుంచెడి తొడల పయిభాగము.
