56
బసవపురాణము
—: బసవని మేనల్లుఁడు చెన్నబసవని మహిమ :—
బరమేశుభక్తియ ప్రాణమై పరఁగు
తరుణి యానాగాంబవరతనూభవుఁడు, 250
ప్రస్తుతింపఁగ నొప్పుబసవకారుణ్య
హస్త సంభూత ప్రశస్తదేహుండు.
నసదృశభక్తియోగాత్ముండు చెన్న
బసవండు గురుభ క్తిపాత్రోత్తముండు :*
“బసవని శ్రీపాదబిసరుహంబులకు
నసలార నిత్యంబు నర్చ లిచ్చుచును
మించినభక్తిమై మేన రోమాంచ
కంచుకం బధికసమించితంబుగను
గద్గదకంఠుఁ డై కనుఁగవ నుఖస
ముద్గతాశ్రువు లొల్క నుత్సుకలీల 260
సప్రాణలింగలింగప్రాణమథన
సుప్రసన్నానుభవప్రాప్తిఁ బొంది,
నలిగొన [1]మర్కటన్యాయంబునందు
ఫలమునఁ బొంది సోపానంబులు డిగి
వెసఁ బొందఁగలుగు [2]వాయసఫలన్యాయ
మసలారఁగాఁ జరితార్థతఁ బొంది,
గురుభక్తి ఫలసారగుహ్యప్రసాద
వర సేవనా సుఖపరవశలీలఁ
గమనీయమొంద లింగంబు ప్రాణంబు
రమణఁ బ్రసాదపూరంబు దేహంబు 270
దిరమగుశుద్ధ భక్తియు మానసంబు
హరగణానుభవసౌఖ్యంబు ధనంబు
నిటు గూడ నన్నియు నేకమై కాదె
