38
ద్విపదభాగవతము
కన్ను లాకలి తీర్పగలుగునో?" అనుచుఁ
దరుణులు ప్రేమ నుద్ధవుఁ జూచి “మమ్ము
నెరవుగాఁ జూడ నిందు రమ్మనుచు
నిక్కడఁ గృష్ణుఁడు, ఇందఱుఁ జూడ
గొక్కెరరక్కసుఁ గూల్చిన చోటు;
గిరికొని యున్నది కేళిమైఁజూడ
హరిచేత [1]గతజన్ముఁ డఘదైత్యు డొక్క;
యావులఁ గృపను మమ్ముందఱిఁ గాచి
గోవిందుఁ డెత్తిన గోవర్ధనాద్రి;
సఖులుఁ దానును శౌరి చల్దులు గుడిచి
సుఖలీల నుండిరి సురవొన్న నీడ;410
నీసైకతస్థలి నిందిరావిభుఁడు
రాసకేళిఁ జరించు రమణులుఁ దాను;
జల్లని యీరూపచాయ మురారి
పిల్లగ్రో లూదు గోపిక లాత్మ మెచ్చ;
నాపొన్న క్రిందఁబో హరి వేడ్క లెల్ల
గోపిక లలుక గ్రక్కున మెక్కి తీర్చె;
బలభద్రుఁడును దాను బసుల మేవుచును
యలమి చిమ్మనబంతు లిచ్చట నాడు;
పొలుచు నీగురివింద పొదరిండ్లలోన
జలజలోచనఁ గ్రీడ సలిపి మాధవుఁడు
అమ్మానినీడ నాకిఱిఁ గౌఁగిలించి
తమ్మఁ బ్రసాదించె తామరసాక్షుఁ”
డని పెక్కుభంగుల హరివిచారములు
- ↑ గతజన్మయఘదైత్యు డొక్క
