14
ద్విపదభాగవతము
గరకాండ మెత్తి యొక్కట మేనుఁజుట్టి
తివిచినఁ దనమేను దివియక శౌరి
యవిరలభోగిభోగావృతం బగుచు
దిరిగెడి మందరాద్రియుఁబోలెఁ దిరిగి
కరమొప్ప శక్తిఁ బుష్కర మొప్పఁబట్టి
వెనకకుఁ ద్రోచిన వివశమై యొరగి
ఘనరౌద్రమున లేచి కఠినదంతముల
హరిమేను బొడవంగ నతఁడు మైఁదప్పె,
కరముగ్రమగు ముష్టిఘాతలఁ జరుప
మావంతుఁ డలిగి తోమరములు మూట
నావిశ్వవిభు వైవ నతఁడు కోపించి
కడఁగి హస్తిపకుని కడకాలుఁబట్టి
పుడమిపైఁ బడ నీడ్చి పొరిఁద్రొక్కి చంపె.
మావంతుఁ డీల్గిన మత్తేభ మడరి
గోవిందుపై నాఁకఁ గొనకఁ బెల్లురకఁ140
బదతాడనంబులఁ బరుషఘాతములఁ
బ్రిదులంబులును బోని పిడికిళ్ళఁ బొడువ
ముక్కున వాతను మొగికర్ణములను
నక్కజంబుగ నెత్తు రందంద నొలుక
పవిఁదాకి కూలిన పర్వతం బనఁగఁ
బవనుచేఁబడు మహావృక్షమో యనఁగ
గజము నిశ్చేష్టమై గజభము లుడిగి
గజగజ వడకి యక్కజముగాఁ ద్రెళ్లె,
కడువడి మెడఁ ద్రొక్కి (గజదంతములను)
బెదిదంపు లావునఁ బెఱికె మురారి
దాననకుంభనిర్దళనంబు సేసి
