పుట:Dvipada-Bagavathamu.pdf/54

వికీసోర్స్ నుండి
ఈ పుట అచ్చుదిద్దబడ్డది

12

ద్విపదభాగవతము

బొడఁజూపి తమతెచ్చు భూరివస్తువులు
కడఁకతో నిచ్చినఁ గరము మన్నించి
తనచేరువనె యొక్క తమకంబుమీఁద
నునిచి వారును దాను నొగిఁజూచుచుండె.
కరియూధ మే చుగతి మల్లవర్గ
మరుదెంచ వందిబృందారవం బెసఁగఁ

కొలువునకు ముష్టిక చాణూరు లేతెంచుట


జను దెంచి ముష్టిక చాణూరముఖుల
లెనయ రంగస్థలంబెల్లఁ దారగుచు
భుజమప్పళింపుచుఁ బొరి విజృంభించి
గజభజింపుచునుండగా నంతలోన;

శ్రీకృష్ణునిపై మాపటీడు మదగజమును బురికొల్పుట


వికసితపుష్కరవిభవంబుఁ జెంది
యకుటిలదీర్ఘశృంగారూఢి నొప్పి
మానుగా వంశాఢ్యమహిమఁ జెన్నొంది
దాన నిర్జరలీలఁ దనుపారఁ బేర్చి
పొడవు తక్కువగాని భూధరేంద్రంబు
వడువునఁ జెలువారు వరశక్తిచేత
నష్టదిగ్గజముల నాపంగనోపు
నష్టమదాపూర్ణమై పేర్చుకరణి120
కువలయవేలంబు కోరియాశాల
నవిరళంబుగ నిల్చి యతికౌతుకమున