పుట:Dvipada-Bagavathamu.pdf/45

వికీసోర్స్ నుండి
ఈ పుట అచ్చుదిద్దబడ్డది

మధుర కాండము 3

పసిడిగోపురములుఁ బసిడికోటలును
బసిడి మాడవులను బసిడిమేడలును
హేమకుంభంబుల నెంతయు నొప్పి
హేమమయముగ సొంపెసలారి యుండఁ
గని వాని మహిమకుఁ గడు సోద్యమంది
తనరార తత్పురద్వారంబు సొచ్చి
రమణీయ(శోభ వుర)మున నేతెంచుఁ
గమలాయతాక్షులఁ గని చాలవేడ్కఁ
బౌరకామిను లెల్ల భావకోల్లాస
పారవశ్యంబునఁ బరతెంచి పేర్చి

పురస్త్రీలు శ్రీకృష్ణ బలరాములఁ జూచి వర్ణించుట


సౌధాగ్రముల యందు సదనంబు (లందు)
వీధుల యందును వెఱవొప్ప నిలిచి
సొరిది వారందఱుఁ జూపులు పఱపి;20
“ ఈతఁడే, యెలనాగ ఇసుమంతనాఁడు
పూతన (పాల్ ద్రావి) పొరిఁగొన్న వాఁడు,
సకియరో! ఈతఁడే శకటమై వచ్చు
ప్రకట దానవుఁ ద్రుళ్ళిపడఁ దన్నినాఁడు.
ముద్ధియ! ఈతఁడే మొగిఱోలుఁ ద్రోచి
మద్దియ లుడిపిన మహనీయ యశుఁడు.
అక్కరో! ఈతఁడే యఘదైత్యుఁ జీరి
కొక్కెర రక్కసుఁ గూల్చినవాఁడు.
గోవర్ధనముఁ గేల గొడుగుగాఁ బట్టి.