ఈ పుట అచ్చుదిద్దబడ్డది
162
ద్విపదభాగవతము
విరహిమానసమహా విద్యేషణంబు
శుకకోకిలాలాప సుస్వరప్రదము
ప్రకటితదంపతి ప్రాణవల్లభము
మధుపకుటింబికా మందిరాంగణము
మధురసౌరభశైత్య మాంద్యకారణము
[1]ప్రాలేయకులవార్థి బడబానలంబు
ప్రాలేయకులవార్ధి బడబానలంబు
నానొప్పి వనముల నవకంబులెక్క
మానుగానేతెంచె మధుమాసలక్ష్మి.
తరులతావలులకుఁ దమకంబులెక్కి
పరిమళంబై మంద పవనుఁడు వీచె;60
గుమురెక్కి తరులెల్లఁ గొనచిగురాకు
గములు క్రొన్నన నవకపు మొగ్గ మ్రొగ్గ
వలిమొగ్గ క్రొవ్విరి వలవులు గులుక
వెలిపూవు నూనూఁగు పిందెలుగాయ
కసుగాయ వులికాయ కడునొప్పు దోర
పసనుపండులు వనిపండులు గలిగి
తరువు లెల్లను గల్పతరువుల భంగి
పరువమై చూపట్టు పరిమళశ్రీల!
వాసంతి వనములు వాసనగలిగి
వాసికి నెక్కిచామంతులు పూచె;
గొజ్జంగలలరుల గొమరారుమరుని
సజ్జపట్టులభంగి సౌరభంబొలసె;
కందర్పుటమ్ముల కరణిని వెడలి
- ↑ ఒకే పాదము కన్పడుచున్నది
