ఈ పుట అచ్చుదిద్దబడ్డది
శ్రీరస్తు
శుభమస్తు
ద్విపద భాగవతము
జగదభిరక్షకాండము
శ్రీరమ్యుఁడగు పుండరీకలోచనుఁడు
ద్వారకాపురినున్న తఱి నొక్కనాఁడు
నృగుని శాపవృత్తాంతము
సాంబుఁడులోనుగా సకలకుమాళ్లు
నంబుధీతీరవిహారణ్యభూమి
మృగయానురక్తులై మెలఁగుచుఁ దప్పి
తగ నిఱ్ఱికందువఁ దడయక వెదకి
యొకనూతిలో నొక్క యూసరవల్లి
వికలమైపడియుండ వెఱఁగంది చూచి
“యెన్నడు పొడగాన మిట్టిగాత్రంబు
నిన్ని వన్నెలుగల యీనరటంబు
కటకటా! ఈ కూపగతమైన” దనుచుఁ
బటుశక్తి నందఱుబట్టి యీడ్వఁగను
వెడలకయుండిన వెన్నునితోడ
