ఈ పుట అచ్చుదిద్దబడ్డది
128
ద్విపదభాగవతము
బటుతరంబగు వేడ్క ప్రద్యుమ్ను వలన
ననిరుద్ధుఁడుదయించెనని చెప్పుటయును
మునినాధ! ఈరుక్మి మురవైరితోడ
వైరంబు మానఁడు వరపుత్రి నెట్లు
శౌరి పుత్రునకిచ్చి సాజన్యుడయ్యె?
నీవెఱుఁగనిదేమి? నిఖిలజగముల
లేవెఱిఁగింపు లాలితపుణ్య యనుఁడు;
శుకుఁడు పరీక్షిత్తుఁజూచి యీయర్థ
మకలంకగతి వినుమని చెప్పదొడఁగె.
ఆ కృష్ణుతో వైరమయ్యును రుక్మి
తూకొని చెలియలితోడి నెయ్యమున
అనిరుద్ధుని వివాహము కలహము
మేనల్లుఁడనుచు నర్మిలి కూఁతు నిచ్చె
గాని నెమ్మనములు గలయవెన్నండు;
ఆరామనం దను కనిరుద్ధునకును
నారూఢిఁ దన పౌత్రియగు లోలనేత్రి730
లోచనయను కన్య రుక్మి యిచ్చుటయు;
ఆచెలి పెండ్లికినై విదర్భకును
యానకదుందుభి హలి కృష్ణమదన
సైనేయ కృతవర్మ సాంబాదులైన
బంధులతో వచ్చి బహు వైభవమున
బంధురప్రీతి శోభనమొప్పఁజేసె.
కుడిచి కూర్చుండి పెక్కులు వినోదములు
గడు వేడ్క జూచుచోఁ గాళిందివిభుఁడు
