పుట:Dvipada-Bagavathamu.pdf/116

వికీసోర్స్ నుండి
ఈ పుట అచ్చుదిద్దబడ్డది

74

ద్విపదభాగవతము

నందమై లేమకు నరచేతు లమరు;
విద్రుమలతలతో నీడు దోఁగాడు
విద్రుమద్యుతి చేతివేళ్లు పెంపొదవు;
కలువరేకుల మించుఁ గరనఖద్యుతులు;
పొలుచు శంఖముభంగిఁ బొలఁతికంఠంబు
జలజంబుఁ దెలివియుఁ జంద్రకాంతియును
జలజాస్య నెమ్మోము సరిసేయరాదు;
చెలువారు పగడంపుజిగురకొ! బింబ
ఫలమకొ! యననొప్పు బామ కెమ్మోవి;
వెలఁది వెన్నెలనీట వెలసిన కుంజ
కళికెలో యననొప్పు కాంతపల్వరుస;
దరహాసచంద్రిక ధళధళ వెలుఁగు
కరిదంతరుచి మించు గండపాలికలు;
పొలుపైన పసిఁడితిలపుష్పమో యనఁగ
నలినాక్షి కొప్పొరు నాసాపుటంబు;
చారు శ్రీవర్ణంబు సరినచ్చులొత్తి
చేరినయట్లొప్పుఁ జెవులు రుక్మిణికి;
కందర్పుఁ డింపుగాఁ గదల నిర్గమము
ముందట విల్లునమ్ములు నిడెననఁగఁ120
దరలాక్షి నెమ్మోము తామరమీఁద
గరవంకబొమలతోఁ గనుదోయి వొలుచు;
శశి యింతినెమ్మోము సవతుగాలేక
యసలార సగమైన యట్లొప్పు నొసలు;
వదనాంబుజాతంబు వాసనగ్రోలఁ
గదియు తేంటులభంగిఁ గాన్పించు గురులు;