పుట:Dhanurvidyaa vilaasamu (1950).pdf/223

వికీసోర్స్ నుండి
ఈ పుట అచ్చుదిద్దబడ్డది

ధనుర్విద్యావిలాసము

159


క.

ఒకవత్సరంపు శార్ఙ్గము
వికటంబగు పన్నిదమున విశిఖము దొడుగన్
సుకరంబగు విలుకాండ్రకుఁ
బ్రకటాభ్యాసంబునకును బనుగొన దనఘా.

161


చ.

గణుతికి నెక్కుచుండు విలుకాండ్రు శరం బడరించువేళ స
ద్గుణములు మూఁడు పాటిలఁదగున్ విశిఖంబునఁ దీవ్రవేగమున్
దొణకమి లక్ష్యభేదనము తోరపుటంపరవెల్లి నిట్టు లీ
గుణములు గల్గునట్లుగ నిగుడ్చనివాఁ డొకధన్వియే మహిన్.

162


సీ.

మది నిష్టదేవతామననంబు సలువుట
        విద్యాప్రదాయకు వేడికొనుట
ధనురాగమప్రబోధమున రాణించుట
        శస్త్రాస్త్రమంత్రవిస్తరము గనుట
శరశరాసనవిశేషములు భావించుట
        సంతతాభ్యాసంబు సలుపుచుంట
శరయోజనార్హమౌ సమయం బెఱుంగుట
        కుశలుఁడై లక్ష్యంబుకొలఁది గనుట
సమబలం బైనట్టిచాప మార్జించుట
        గుణము యోగ్యంబుగాఁ గూర్చికొనుట
మఱి ధనుశ్శరములమంత్రముల్ వ్రాయుట
        వైపులు భావించి వలను గనుట
యేపుమై దృఢముష్టిఁ జాపంబు దాల్చుట
        సముచితస్థానసౌష్ఠవము గనుట,
తగులీల నంగుళిత్రాణం బమర్చుట
        పదనైన బాణంపుహదను గనుట,
సమధికస్థితిఁ బింజ సమముగా నదుకుట
        యాకర్షణమున సోయగము గనుట,