పుట:Dhanurvidyaa vilaasamu (1950).pdf/222

వికీసోర్స్ నుండి
ఈ పుట అచ్చుదిద్దబడ్డది

158

దేశకాలములు


సీ.

కొన్ని జాంగలములు కొన్ని యనూపముల్
        జాంగలానూపమిశ్రములు కొన్ని
గిరిశిలాగహనసంకీర్ణంబులైన దే
        శంబులు గణుతింప జాంగలములు
పాథః ప్రవాహసంబాధంబులైన దే
        శంబు లనూపాహ్వయంబు లయ్యె
కుధరాంభుపూరసంకుచితదేశంబులు
        జాంగలానూపమిశ్రములు సుమ్ము


గీ.

సత్వరంబగు జాంగలస్థలములందు
నతివిలంబ మనూపంబులందు నుభయ
మిశ్రమగు జంగలానూపమిశ్రదేశ
ముల శిలీముఖగమనమ్ము తలఁప నవని.

157


గీ.

వృషభమిథునములను వినుము దూరాపాత
విలసనంబు సలుప విహిత మండ్రు
అట్టివేళనైన నంబువాహంబులు
నింగిఁ బ్రాఁకెనేని నినుపవలయు.

158


క.

బలువిడి శార్ఙ్గమ్మునకును
జలి సోఁకిన నూలుకొలుపఁజాలదు జడమై
యలకనిబాణం బైనను
జలుబానిన దూర మరుగఁజాలదు వలమై.

159


గీ.

శార్ఙ్గ మొకవత్సరము గడచనిన రెండు
వత్సరంబులయది మూఁడువత్సరముల
యదియు దూరాభిపాతనార్హంబులైన
శరము లరివోయుటకుఁ జూవె సముచితంబు.

160