పుట:Dhanurvidyaa vilaasamu (1950).pdf/220

వికీసోర్స్ నుండి
ఈ పుట అచ్చుదిద్దబడ్డది

156

విన్నాణములు


సీ.

చెలగు నాలుగుకొలందుల శరాసనముల
        పదియేనుపిడియలై పరగునిట్లు,
వెలయు దూరాపాతివిశిఖద్వయంబులో
        లీల రాజిల్లు శిలీముఖంబు,
సంధిల్లు సూచితస్థానపంచకములో
        మానితం బగు సమస్థానకంబు,
ముదము సంపాదించు ముష్టిత్రయంబులో
        వర్ణనీయంబైన వర్తులంబు,


గీ.

నైకమగుదృష్టులందు నుల్లోకితంబు
నలరు ఋతువులలోన గ్రీష్మాగమంబు
లలిని గార్ముకవిద్యావిలాసకలనఁ
దనరు దూరాభిపాతనంబునకు ధరణి.

150


సీ.

అంగయష్టిక తిన్ననై యుండఁగావలె
        నూరువుల్ చక్కనై యుండవలయు,
తనపూన్కి కుడియడుంగున నూనవలె విల్లు
        హయము పల్లముభాతి నమరవలయు.
శరము సాదితెఱంగుఁ బురణింపఁగావలెఁ
        దివియుచో డాకేలఁ దివురవలయు
సమకొల్ప నెడమకేల్ జాడింపఁగావలెఁ
        నరివాప శరము బిట్టడరవలయు.


గీ.

నాకసము పంచి దృఢముష్టి నధిగమించి
విశిఖపుటలుంగు మొనమీఁద విస్తరించి
నడచు బాణంబుతోఁగూడి నభముఁ బ్రాఁకి
దృష్టి లక్ష్యప్రదేశంబు దివురవలయు.

151


వ.

వెండియు నభ్యాసంబున సర్వసాధారణంబుగా ధనుర్ధరులు శరంబులు
నడపందగినకొలందులు వివరించెద నాకర్ణింపుము.

153