పుట:Dhanurvidyaa vilaasamu (1950).pdf/219

ధనుర్విద్యావిలాసము

155

⁠

శిలీముఖపుంఖంబు జానుపర్వంబునకు దిగువం దోచిన భాగద్వయం బునకు దిగువంబడినదనియును భావంబునం దెలియుచు నుభయ మధ్యగంబుగా ప్రమాణంబున ముష్టి నలవరించి విన్నాణం బార్జింపం దగు మఱియును.

⁠ 146

సీ.⁠

ప్రాక్సమీరంబు నిర్భరలీల విసరుచోఁ         బ్రత్యఙ్ముఖంబుగాఁ బఱపవలయు, దక్షిణానిలడింభ మక్షీణ మైనచో         నెఱి నుదఙ్ముఖముగా నినుపవలయు, ప్రత్యక్సమీరంబు భాస్వరం బైనచో         నలిని బ్రాఙ్ముఖముగా నడపవలయు, నొగి నుదఙ్మారుతం బూర్జితం బైనచోఁ         దఱి నవాఙ్ముఖముగాఁ దార్పవలయు,

⁠

గీ.⁠

ప్రోది జలములపై నేయరాదు మొయిలు నభముఁ బ్రాకెడువేళల నడపరాదు గాడ్పు నెదిరించునట్లుగాఁ గడవఁజనదు సాయకము గాళుపుల కడ్డ మేయరాదు.

⁠ 147

వ.⁠

ఇట్లు సమీరప్రేరణగుణదోషవినిభాగంబును, గగనవిభజనోపాయం బును, దూరాపాతనంబుల నభ్యాసంబుల తెఱంగును, వెండియు నయ్యైయెడలం గలుగు విశేషంబులు నేర్పరించితి ననవుడుఁ పార్థుండు కృతార్థుఁడై యాచార్యునకు వందనం బాచరించి వెండియు నిట్లనియె.

⁠ 148

క.⁠

అనఘా దూరాపాతం బునకుం దానకము దృష్టి ముష్టియు వేర్వే ర నిరూపింపందగు నన ననిమిషపతిసుతునితోడ నాచార్యుఁ డనున్.

⁠ 149