శాత్రవవ్యూహ ముత్సాహియై చొచ్చి యొక్కొక్కచోఁ గాలఁ దాటించి
చౌదాటు దాటించి బాణంబు తూణంబునం దీసి పెల్లేసి యుల్లాసియై
యట్టహాసంబు భాసిల్ల మల్లాడుచున్ బారెటన్ నిల్పుచున్ మూరెటన్
మల్పుచున్ కోపులన్ ద్రిప్పుచున్ తూపులన్ గప్పుచున్ శత్రు లుద్గా
త్రులై నెట్టనం జుట్టునం జుట్టినం దిట్టయై ముట్టి ధేయంచు వేయంచు
వాలంబులన్ దత్తడిం దిర్దిరం ద్రిప్పుచున్ విల్లు చక్రాకృతిన్ బర్వఁగా
దుర్విగాఢైకసంధానపారీణుఁడై నూఱు నిన్నూఱు మున్నూఱు నన్నూఱు
నేనూఱు నార్నూఱుగాఁ దూపులన్ వీపులన్ వైపులన్ బ్రక్కలన్
జెక్కులన్ మేనులన్ వీనులన్ ద్రొక్కటం జక్కఁగా డుస్సి పాఱం
బ్రయోగింపుచున్ ద్రుంపుచున్ సొంపుగాఁ బెంపుగావింపుచున్ డాయ వేచా
యలన్ మాయలన్ సాయకంబుల్ రకం బార నేయం జయోదారుఁడై
ధీరుఁడై పైకి రానీక క్రొక్కా రు మేఘంబునన్ దోచు విద్యుల్లతాధోరణిన్
దారుణాధోరణప్రేరణశ్రీరణద్వారణోత్సారణక్రూరనారాచధారాళధారా
ప్రసారంబు ఘోరంబు గావింపుచున్, బారులై తేరు లొక్కుమ్మడిన్
గ్రమ్మినన్ హుమ్మురంచున్ హయంబున్ రయం బారగాఁ జుట్టుపేరెం
బులన్ ద్రోలుచున్ దా రథిన్ సారథిన్ యుగ్యమున్ బగ్గమున్
జాపమున్ రోపమున్ దండియై ఖండముల్ సేయుచున్ జిత్రసంచార
దుర్వారుఁడై శూరుఁడై లోకముల్ మెచ్చగా శత్రుసందోహమున్
దోలి భాస్వజ్జయశ్రీసమారూఢుఁడై హారనీహారడిండీరపాటీరకర్పూర
మందారగోక్షీరవిస్ఫారకీర్తిస్ఫురన్మూర్తియై భాసిల్ల రేకల్కితేజీ అయా
రేహుమా మేల్బళీ సత్కులీనాళ్వరత్నంబ నీధాటికిన్ విద్విషత్కోటి
పేరోటమిన్ గూటమిన్ బాసి రంచున్ జెవు ల్ముట్టుచున్ గంఠమున్
దట్టుచున్ బెంపు వాటింపగా నొప్పు నంచున్ గురుం డశ్వయుద్ధప్రకారం
బుదారస్థితిం జెప్పిన మెప్పునం గాంచి పూజించి పార్థుండు సంతోష
వార్ధిన్ వెసం దేరుభావంబుతోఁ దక్కునుం గల్గు విన్నాణముల్ సెప్పు
మంచున్ బ్రకాంక్షించె యుష్మత్పదాబ్జద్వయీచిహ్నితం బైన యీ
దండకం బిట్టు లాచంద్రతారార్కసంస్థాయి గావించుచున్ మేలు రావిం
