శ్రీ జానకీమానసాంభోజమిత్రా సుమిత్రాసుతానూదితస్తోత్ర
పాత్రా, సుపాత్రానిశప్రాపితామేయగోత్రా, సుగోత్రామరశ్రీపరిత్రాణ
చిత్రా, అహోరామధాత్రీకళత్రా, సతం బీవనీపట్టణాస్థానసింహాసన
స్థాయినై యున్న నిన్నుం బ్రకీర్తించుచుం గుంభజుం డర్జునుం గూర్చి
బోధించు నీయాశ్వికాభంగసంగ్రామరంగప్రసంగంబులన్ వాక్ప్రసూ
నంబులం దండకాకారమౌ చిన్నిపూదండ గావించి మీదివ్యపాదార
విందంబులందున్ సమర్పించి సేవించెదన్ సత్కృపార్ద్రైకభావంబునం
బ్రోవవే, సాదరుండై గురుం డానరుం గాంచి తోషించి భాషించి వేడ్కన్
బెడంగైన చెన్నుల్ విడంబించుకన్నుల్ మెఱుంగారు మేనున్ తెఱంగైన
కౌనున్ ససిందేరునిమ్మున్ బిసాళించు రొమ్మున్ సిరుల్ గూర్చువాహంబు
పైపచ్చడా లంకెవన్నెల్ రవాళించుబంగారపున్నీరులన్ సౌరులన్ దేరు
పల్యాణమున్ మేలిముత్యాలచెండ్లున్ సొబంగారు బంగారుగుండ్లున్ జిరా
కెంపు రాసొంపు రాణింప నింపౌఖలీనంబు నీలాలడాలై విరాళించు మేల్వాగె
బాగౌ నిజాంశాతురాయీ చలచ్చామరంబుల్ లసన్మండలాగ్రంబు
తూణీరముల్ మేనిసింగాణివిండ్లున్ ధనుర్మధ్యమాధారబంధంబునున్
లోనుగా యుద్ధరంగోచితాడంబరఁబుల్ విడంబంబునం గూర్చి తేరం గిరీ
టంబునున్ గంటకంబున్ దిటంబైన గోధాంగుళిత్రాణముం దూణముం
బాణబాణాసనంబుల్ న్మేఖలాబంధమున్ మెచ్చఁగా సద్ధనుర్మధ్య
మాధారబంధంబు సమ్యగ్వలచ్చర్మపట్టీలలామంబు సేమంబునం తాల్చి
సన్నద్ధుఁడై యుధ్ధతిన్ వాహ ముత్సాహముల్ మీఱఁగాఁ దీరగా
నెక్కుచున్ గ్రక్కునన్ నిక్కి యేదిక్కునం దానయై యాశ్వితాగ్రేసరుం
డశ్వమున్ విశ్వమున్ మెచ్చఁగా హెచ్చి రానిచ్చుచుం గ్రచ్చఱన్
మెచ్చుచున్ డాయుచున్ బాయుచున్ వ్రేయుచున్ మ్రోయుచున్
వైరులం బోరులం జీరికిం గోక వెన్నీక మున్నావలం దావలంబై చలంబాఱ
బోరాడ బేర్వాడి క్రొవ్వాడివాలమ్ము ఫాలమ్మునన్ నాటి ధాటిన్ విరోధిన్
నిరోధించుచున్ ఘోరమై నీరథిన్ దూరు పెంజోరలీలన్ సఖేలంబుగా
