పుట:Dhanurvidyaa vilaasamu (1950).pdf/207

ధనుర్విద్యావిలాసము

143

⁠

నిమిత్తంబులను నామంబులం బరగు దశవిధలక్షణంబు లరయంజాలు సారథిం గైకొనునేని రథికుండు సకలలోకాధికుండై ప్రవర్తిల్లు చుండుఁ దక్కుంగల విశేషంబు లాకర్ణింపుము.

⁠ 96

మ.⁠

రణదాయోధనసాధనంబు రిపుజిద్రాజాధిరాజాధిరో హణలీలాసుగమంబు శత్రుభయదండాభీలశుండావిజృం భణదుస్సాధము సర్వతోముఖము భూపాలైకసామ్రాజ్వల క్షణమౌ వారణమందుఁ బోరఁ దరమౌ స్థానంబులం దైదిటన్.

⁠ 97

గీ.⁠

పాదచారియైన భద్రేభ మెక్కిన రథముమీఁదనైన రణములందు నాశుగముల నడప నగు శరవ్యంబుల హయముమీఁద నడుపు టరిది సుమ్ము.

⁠ 98

వ.⁠

అట్లగుట సంగ్రామసముచితలక్షణలక్షితంబులగు హయంబులును, దదనుకూలంబులగు నలంకారంబులును, వలయు సాధనంబులును, వేఱువేఱ నిరూపించెద నాకర్ణింపుము.

⁠ 99

సీ.⁠

కళ దేరు పీవరస్కంధంబు గలదాని         మెఱుఁగారు వెన్నున మెఱయుదాని గమ్రభావముఁ దాల్చు కర్ణముల్ గలదాని         యొఱపుదేరు కడింది యురముదాని, గంభీరహేషావిజృంభణంబులదాని         గుళుకుగిట్టెలసౌరు గలుగుదాని గుఱుమట్టమైన లాంగూలంబు గలదాని         మెఱుఁగారు వెన్నున మెఱయుదాని,

⁠

గీ.⁠

సముచితము లైన శుభలక్షణములదాని గరుడపవమానవేగంబు గలుగుదాని ఘోరరణముల విజయంబుఁ గూర్చుదాని భవ్యమగు నుత్తమాశ్వంబుఁ బడయవలయు.

⁠ 100