ఇవ్విధంబున నంగప్రత్యంగసంగతంబుగా ఖురళీరంగంబు నిర్మింపంజేసి
చందనాగరుపరిమళఝలఝలంబులగు జలంబులు కలయం జిలుక
రించి ముక్తాఫలరంగవల్లికావిన్యాసంబుల భాసమానంబు గావించి
శాంతికబలివిధానహోమంబుల రామణీయకం బాపాదించి గంధ
పుష్పాక్షతధూపదీపాదిసంస్కారంబులఁ బరిష్కరణంబుఁ గావించి
దేవతాయతనంబులకుం బోలె నసంస్కృతసంపర్కంబు దొరలనీక
దౌవారికులవలన నహోరాత్రంబును సురక్షితంబుఁ గావించి యథా
సూచితమాసవాసరాదిస్ఫూర్తంబగు సుముహూర్తంబు నిశ్చ
యించి యిష్టదేవతానుస్మరణపూర్వకంబుగాఁ బర్యంకంబు డిగ్గి
దంతధావనజిహ్వానిర్లేహనగండూషముఖప్రక్షాళనతైలాభ్యంగోద్వర్తన
గంధామలకసురభిళజలావగాహనంబుల బరిశుద్ధుండై ధౌతకౌశే
యంబులు ధరియించి మణిగణస్థగితకటకకాంచీప్రముఖంబుల
నలంకృతుండై కస్తూరికాతిలకంబు లలాటంబున వాటంబు గులుకఁ
గాలాగరుధూపంబులును మాల్యాంగరాగధారణలేపనంబులును
లోనుగా సుచితాధివాసనంబుల భాసమానుండై మహోత్సాహంబున.
