పుట:Dhanurvidyaa vilaasamu (1950).pdf/171

ధనుర్విద్యావిలాసము

107

వ.⁠

అట్టి ధనుఃకళారంగంబునకుం దగినవిధానం బాకర్ణింపుము.

⁠ 256

గీ.⁠

ఎలమి నిన్నూఱుబారలకొలఁదిఁ బావ నావనీస్థలిఁ జతురస్ర మాచరించి కిరణపరిణతమణిగణఘృణివిచిత్ర కనకవరణంబు నలుగడఁ గడలుకొలిపి.

⁠ 257

క.⁠

పంకరుహనాభ శంకర పంకరుహానన కళానుభావోజ్జ్వలమై పొంకము గులుక యథావిధి శంకుస్థాపనము సేయఁ జను మధ్యమునన్.

⁠ 258

వ.⁠

తదనంతరంబ.

⁠ 259

గీ.⁠

హరిహరహిరణ్యగర్భుల నభినుతించి ధరణిఁ బూజంచి దిగ్దేవతావతంస ములకు నంజలిఁ గావించి మొదలిచాప ధరులచెలువంబు హృదయపద్మమునఁ దలంచి.

⁠ 260

సీ.⁠

వల్మీకతరులతాగుల్మము ల్మాయించి         కుద్దాలముల ధాత్రి గుద్దలించి కంటకాస్థిశిలాప్రకాండంబు లెడలించి         గరిమతోఁ జదరంబుగా ఘటించి కోటిశమ్ముల ధాత్రిఁ గొమరార ఘట్టించి         చెన్నారు పన్నీరు చిలుకరించి ప్రేక్షాలయమ్ములఁ బెలుచ శృంగారించి         సింహాసనములు సజ్జీకరించి

⁠

గీ.⁠

కడిది గొడుగులు పడగ లుగ్రంపుటాల వట్టములు చామరంబులు వఱలఁజేసి మేలిబంగారురంగారుమెలపుఁ గొలుపు కంబములడంబముల మంచకము లమర్చి.

⁠ 261