పుట:Dhanurvidyaa vilaasamu (1950).pdf/167

వికీసోర్స్ నుండి
ఈ పుట అచ్చుదిద్దబడ్డది

ధనుర్విద్యావిలాసము

103


మిక్కిలి నడువకయును శర
మక్కఱ నెఱవేర్చు నంబుదాగమవేళన్.

233


మ.

చను నాషాఢము జ్యేష్ఠమాసమును వైశాఖంబు దూరాభిపా
తనయోగ్యాశుగసుప్రయోగకలనాధారంబులై చైత్రపా
ల్గునమాఘంబులు నారసంబులకుఁ జెల్లుం దక్కనుం గల్గుబా
ణనికాయంబులు తొమ్మిదింట నడపన్ నాణెంబులై వర్తిలున్.

234


వ.

మఱియు ధనురభ్యాసప్రథమకరణంబులగు తిథివారతారకాయో
గకరణంబులు వివరించెద నాకర్ణింపుము.

235


గీ.

మాఘశుద్ధపక్షంబున మలయు నాఱు
బహుళమున నాల్గుదిథు లివి పది శరాస
నూతనాభ్యాసములకు సన్నుతము లయ్యె
వాని వివరింతు వినుము భావజవిరోధి.

236


గీ.

శుద్ధమున ద్వితీయ శుద్ధతృతీయయు
శుద్ధపంచమియును శుద్ధసప్త
మియును శుద్ధదశిమిమీఁది త్రయోదశి
యరయ భావుకంబు లైన తిథులు.

237


గీ.

బహుళమున ద్వితీయ బహుళతృతీయయు
బహుళపంచమియును బహుళసప్త
మియును వరము లనుచు నియమించి రిద్ధను
రాగమజ్ఞులైన యస్త్రగురులు.

238


గీ.

వారములను మూఁడువారము ల్కార్ముక
ధారణానుగుణములై రహించు
భానువాసరంబు భార్గవవారంబు
గురునివాసరంబు గుణపయోధి.

239