Jump to content

పుట:Dhanurvidyaa vilaasamu (1950).pdf/165

వికీసోర్స్ నుండి
ఈ పుట అచ్చుదిద్దబడ్డది

ధనుర్విద్యావిలాసము

101


⁠

బుగా నీడవలయు నింక శరాభ్యాసమాసవాసరతారకాయోగకరణ
ప్రకరణంబు నిరూపించెద నాకర్ణింపుము.

⁠ 224


మ.⁠

మును మున్ గార్తిక మార్గశిరమున్ బుష్యంబు మాఘంబు ఫా
ల్గునమున్ జైత్రము మాధవంబు రహి కెక్కున్ జ్యేష్ఠ మాషాఢముం
ధనురభ్యాసకళాకలాపకలనాధారంబులై ధాత్రి నొ
య్యన నిమ్మాసముల న్నవాభ్యసనయోగ్యం బండ్రు మాఘం బిలన్.

⁠ 225


శా.⁠

హాలిన్ బ్రాతర ధీతికిన్ హిమజలవ్యాసక్తిచేతోమలం
బై లావూనక శార్ఙ్గముం దివియ నవ్యాభ్యాసి కెన్నన్ శర
త్ప్రాలేయంబుల నిమ్ము గాదు ప్రథమారంభోత్సవోత్సాహమున్
వాలాయంబుగ శీతలోష్మసదృశవ్యావృత్తి మాఘంబునన్.

⁠ 226


సీ.⁠

పన్నిదంబున భంగపరచవచ్చినవాని
        పన్నిదంబులు దీర్చి భంగపరచు,
కాలత్రయాభ్యాసకలనానుకులమై
        సాహసోత్సాహముల్ సంఘటించు,
కల్పవృక్షముభాతి గామధేనువురీతిఁ
        గామితార్థంబులు గలుగఁజేయు,
నాఁడు నాఁటికిని విన్నాణంబు దులకించు
        ప్రతిభావిశేషంబు పాదుకొలుపు,

⁠


తే.⁠

నోలిఁ దిథివారతారకాయోగకరణ
వివరణస్ఫూర్తి సుముహూర్తవిహితమహిత
మాఘవాసరభాసురమంత్రతంత్ర.
కలితలలితధనుఃకళాకౌశలంబు.

⁠ 227


వ.⁠

వెండియుఁ బురహరస్కందపరశురామప్రముఖులగు మహాపురుషు
లిమ్మాఘంబున ధనుర్విద్యాప్రథమరంగోత్సవంబు యథావిధిం
గావించి దుష్టనిగ్రహజాగ్రదవగ్రహసమగ్రద్ద్యోతితహృద్యా

⁠