పుట:Dhanurvidyaa vilaasamu (1950).pdf/161

ధనుర్విద్యావిలాసము

97

సీ.⁠

కడిమి నూర్ధ్వాధరాంగములు కార్ముకమున         కెఱఁగి వక్కాణింప నేమి ఫలము, ముష్టిభేదముల నిమ్ముగ శరాసనమధ్య         మెడపక ధరియింప నేమి ఫలము, స్థానప్రతిష్ఠానతానకంబుల లక్ష్య         మెడపక నెదిరింప నేమి ఫలము, సాయక మరివోసి చాప మాకర్ణాంత         మెలమి నాకర్షింప నేమి ఫలము,

⁠

గీ.⁠

ఆత్మమానసవృత్తితో నాకలించి మానసము చూడ్కితో నేకధా నయించి కదలఁగానీక చూడ్కి లక్ష్యమున నుంచి మొసి విశిఖమ్ము గుఱుతుపై నిలుపఁడేని.

⁠ 203

సీ.⁠

కలశమధ్యగదీపకలికాంకురము లీలఁ         దలపు నిశ్చలముగా నిలుపవలయు, నంతకంతకు నంతరాంతరాళంబున         నింపు దీపింప రాణింపవలయు, గజముపై గమకించు కంఠీరవము భాతి         చాపయష్టిని మేను డాపవలయు, సొరిది డాపలికంటిచూడ్కి కార్ముకమధ్య         మము దాల్చుముష్టిపై మనుపవలయు

⁠

గీ.⁠

కడిఁది కుడికంటిచూడ్కి పుంఖమున కలుఁగు నకును లక్ష్యప్రదేశంబునకును సమము గాఁగఁ బరగింపఁగాఁ దగుఁ గౌశలమున శరము లరివాపు నెడలందుఁ జాపధరుఁడు.

⁠ 204

క.⁠

సాదులకు నిషాదుల కరి భేదులకు మృగాదులకును బెనుపుగ నిలుపం

⁠