పుట:Dhanurvidyaa vilaasamu (1950).pdf/148

84

నారాచనిర్మాణము

⁠

మిరుగడలఁ గ్రమ్ము శత్రుల నేయుటకును భాసురం బగు ధన్వికిఁ బార్శ్వగంబు.

⁠ 186

ద్రుతవి.⁠

ఒరుని మార్కొని యొండొకరుండు దా శరము లేయుచు సారెకు వెన్కొనన్ మరలి యేయుచు మార్తుర నోపఁగా ధర వివర్త ముదారత వర్తిలున్.

⁠ 137

ఇంద్రవ.⁠

సత్యంబుగాఁ బల్కుదుఁ జాపహస్తుం డత్యంత మభ్రంబున నభ్రగం బౌ ద్ధత్యంబునం బర్వగఁ దాని నేయన్ వ్యత్యస్తపాదంబున వాసి గాంచున్.

⁠ 138

క.⁠

వియదావరణపదస్థితి భయదుండై దనుజుఁ డేయు బాణంబులు దాఁ బయిఁబొరయనీక మెలఁగగ మయూరలలితంబు దనరు మహనీయంబై.

⁠ 139

తే.⁠

దూరపాతిశరంబులం దొడఁగుటకును సముచితం బగు ధర సమస్థానకంబు ధర సమస్థానకములీల దవ్వు నడువ నేకపాదంబు జోకల నాకలించు.

⁠ 140

క.⁠

కుతుకమున నేకపాద స్థితిఁ గుమ్మరసారెభంగి దిర్దిరఁ దిరుగన్ బ్రతివీరాభీలరణో ధ్ధతి భ్రమరీమండల మనఁ దనరు భటునకున్.

⁠ 141

చ.⁠

పలువురు పన్నిదంబులను బైకొని బాణము లేయ ధీరుఁడై వలఁగొని చుట్టునుం దిరుగువారుచు నందఱు కన్నిరూపులై చిలుకుటలంతిబాణములఁ జిందరవందర లాడుచున్ మహిన్ మెలఁగఁగఁ జక్రమండలము మేలు ఘటించు ధనుర్ధరాళికిన్.

⁠ 142