పుట:Dhanurvidyaa vilaasamu (1950).pdf/144

వికీసోర్స్ నుండి
ఈ పుట అచ్చుదిద్దబడ్డది

80

మహాపురుషుఁడు


గాఁదగు నూర్ధ్వశరవ్యని
షాదనమునఁజూడ్కి దనరు సమపాదమునన్.

117


వ.

మండలస్థానవిభాగము.

118


గీ.

పదము లిరుగడలును జొప్పి పార్శ్వములను
మండలాకృతి జానుయుగ్మంబు వంచి
తగ నధోలక్ష్యమునఁ జూడ్కి దవుల నిలుచు
తానకంబగు మండలస్థానకంబు.

119


వ.

ఇట్టి స్థానపంచకంబునకు వినియోగంబులు వివరించెద నాకర్ణింపుము.


శా.

ఆశంసార్హములై ధరం బరగు ప్రత్యాలీఢ మాలీఢముల్
వైశాఖంబు సమానలక్ష్యముల భవ్యంబుల్ సమం బూర్ధ్వగం
బై శోభిల్లెడు లక్ష్యముం గడప నర్హంబౌ సధోలక్ష్య ము
ద్దేశింపం దగు మండలంబున ధరిత్రిన్ రాజతేజోనిధీ.

121


వ.

ఊర్ధ్వాధస్సమానలక్ష్యవినిభాగము.

(ఎ.) 121


గీ.

పార్థ విను పాదచారికి పాదచారి
తొడరు నాధోరణునకు నాగోరణుండు
రథికి రథి సాదికిని సాది రహి సమాన
లక్ష్యములు గాఁగఁ బలికిరి లక్ష్యవిదులు.

122


చ.

తరుశిఖరస్థలీఫలపతంగవితానము శైలకూటగో
చరహరిచిత్రకాయముఖసత్వనికాయము శస్త్రభృన్నభ
శ్చరనికరంబు కృత్రిమఝషప్రముఖాంబరయంత్రముల్ వసుం
ధర నివి యూర్థ్వలక్ష్యము లనంబడు నో భరతాన్వయాగ్రణీ.

123


గీ.

ఉన్నతస్థాయి కడుగున నొనరుచుండు
నిభము పంచాననము భటుం డెద్దియేని
తగ నధోలక్ష్యభావంబు దాల్చునిట్టు
లవని చాక్షుషలక్ష్యత్రయంబు దనరు.

124