విను మిందుల నొక్కవిశేషంబు గలదు దూరాపాతనప్రముఖంబు
లగు కొన్నివిన్నాణంబులు సమస్థాన ప్రముఖస్థానంబుల నచలుండై
సంధానంబు సేయుంగావున శరంబు సడలక ధారాళంబుగా నడుచు
ద్విరదరథప్రముఖవాహనంబుల నారూఢుండై సంధానంబు సేయు
నప్పుడు వాహనవల్గనంబులఁ జెల్లించుంగావున, వర్తులముష్టి నాశుగం
బునకుం బట్టులేమిం జేసి సడలిపడుం గావున వాహనారూఢులకు
చతురస్ర దీర్ఘచతురస్రంబులు యోగ్యంబు లిమ్ముష్టుల మధ్యమ
ప్రముఖాంగుళత్రితయంబున శార్ఙ్గమధ్యంబుఁ బట్టి తక్కిన
ప్రథమద్వితీయాంగుళంబుల నంగుష్ఠంబుమీదుగాఁ జుట్టిన వ్రేలి
క్రింద శరంబు సడలకుండునట్లుగా నరివోయం దరంబై యుండు,
మఱియు నిట్టి ముష్టిత్రితయంబునం గుణదోషంబు లేర్పరచెద
నాకర్ణింపుము.
