పుట:Dhanurvidyaa vilaasamu (1950).pdf/138

వికీసోర్స్ నుండి
ఈ పుట అచ్చుదిద్దబడ్డది

74

ధనుర్నిర్మాణము


యంగుష్ఠము వాచినయెడ
లంగనుపడు ముష్టివర్తులంబన బరగున్.

88


క.

అంగుష్ఠాగ్రంబు ద్వితీ
యాంగుళశిఖరంబు సోకునట్లుగఁ బెఱ మూఁ
డంగుళు లవి దాల్చిన
సంగతమై దనరు ముష్టిచతురస్ర మనన్.

89


క.

అంగుష్ఠాగ్రమున ద్వితీ
యాంగుళనఖరంబు మూయునట్లుగ నిడి మూఁ
డంగుళముల పిడికిటఁ గొన
సంగతమగు ముష్టిదీర్ఘచతురస్ర మనన్.

90


మ.

ఇలపై బాణము లేయ నిశ్చలముగా నేస్థానమందైన రా
జిలుచో వర్తులముష్టి మేలు రథవాజిస్యందనస్థుండు
కులయుద్ధమ్ముల వేటలం దమిఁ బరుంగుల్ వాఱుచున్ వ్రేయ నొ
జ్జలు గుల్కుం జతురస్ర దీర్ఘచతురస్రంబుల్ మనోజ్ఞాకృతిన్.

91


వ.

విను మిందుల నొక్కవిశేషంబు గలదు దూరాపాతనప్రముఖంబు
లగు కొన్నివిన్నాణంబులు సమస్థాన ప్రముఖస్థానంబుల నచలుండై
సంధానంబు సేయుంగావున శరంబు సడలక ధారాళంబుగా నడుచు
ద్విరదరథప్రముఖవాహనంబుల నారూఢుండై సంధానంబు సేయు
నప్పుడు వాహనవల్గనంబులఁ జెల్లించుంగావున, వర్తులముష్టి నాశుగం
బునకుం బట్టులేమిం జేసి సడలిపడుం గావున వాహనారూఢులకు
చతురస్ర దీర్ఘచతురస్రంబులు యోగ్యంబు లిమ్ముష్టుల మధ్యమ
ప్రముఖాంగుళత్రితయంబున శార్ఙ్గమధ్యంబుఁ బట్టి తక్కిన
ప్రథమద్వితీయాంగుళంబుల నంగుష్ఠంబుమీదుగాఁ జుట్టిన వ్రేలి
క్రింద శరంబు సడలకుండునట్లుగా నరివోయం దరంబై యుండు,
మఱియు నిట్టి ముష్టిత్రితయంబునం గుణదోషంబు లేర్పరచెద
నాకర్ణింపుము.

92