మఱియు నీయంగుళిత్రాణంబులకు గుణలతార్ధాంశంబు లా వునుపం
దగు నంతకు నధికంబుగా నునిచిన జ్యాఘాతంబున నంగుళీత్రాణంబు
వీడి పడు నంగుష్ఠంబునకు నొవ్వడరం జేయు వెండియుఁ జర్మాంగుళి
త్రాణంబు దక్కం దక్కినయంగుళిత్రాణత్రితయంబునకువివరం
బులు రొడ్డవలంబుగా నోరుదెరచిన కరణిం దీర్చవలయు, హంసోర
స్సదృశంబులగు నంగుళిత్రాణంబులు కొన్నిదేశంబుల విలుకాండ్రకుం
బ్రియం బాపాదించు, వెండియుం గ్రౌంచచంచూపుటసముదంచి
తంబులగు నంగుళిత్రాణంబులు కొన్నిదేశంబుల విలుకాండ్రకుం
బ్రమోదం బాపాదించు, జంబీరఫలార్ధప్రతీకాశంబులగు నంగుళి
త్రాణంబులు కొన్నిదేశంబుల విలుకాండ్రకుఁ బ్రమోదం బాపాదించు,
వ్యాఘ్రాననంబు కరణిం బరిణద్ధంబగు చర్మాంగుళిత్రాణంబులు
నిఖలదేశంబులం గల విలుకాండ్రకు నాదరణీయంబగు, నట్లగుట
జర్మాంగుళిత్రాణం బుత్తమం బగు నండ్రు మఱియునుం గల విశే
షంబు లాకర్ణింపుము.