పుట:Dhanurvidyaa vilaasamu (1950).pdf/126

వికీసోర్స్ నుండి
ఈ పుట అచ్చుదిద్దబడ్డది

62

మేఖలాబంధలక్షణము


సుకరంబై నాళౌఘ
ప్రకటనిషంగంబు దనరు భవ్యంబగుచున్.

18


ఉ.

రంజితలీల మేడమొగరంబు తెఱంగు తుఱంగలించురే
ఖం జిగి గుల్కు దారుఫలకంబులు జేవు ఱలంది కూర్చి పై
నంజలి కప్పువిప్పులక్రియ న్మొగపుందెర పొప్పు మీఱు మూఁ
తం జెలువాఱఁదీర్చునది దారుమయంబగు తూణ మిద్ధరన్.

19


వ.

ఈ యాఱుతూణంబులం గవాజినతూణంబులు చతుర్విధయుద్ధార్హం
బులగు నందు హయారోహణంబులం దశ్రమంబులు పదక్రమంబులం
దూణంబులు గట్టాయితంబులుగా ధరియించుటకుం దగిన సాధనంబై
మేఖలాబంధంబు గలదు. అట్టి మేఖలాబంధంబునకు లక్షణంబును,
తద్ధారణంబును బ్రశంసించెద నాకర్ణింపుము.

20


ఉ.

కొండి ధ్రువంబుగా మొదటఁ గూర్చిన బాఱెడుచర్మపట్టికా
ఖండముమధ్య రంధ్రితసుకాంచనపద్మచతుష్కమగ్రమం
దుండగ నంగుళద్వితయ మోలి వెడల్పు ఘటిల్ల నొప్పు నా
ఖండము జోడుగాఁ గురుచఖండ మిడం దగు మూఁడుజేనలన్.

21


గీ.

అట్లు సార్ధాంగుళము వెడ ల్పమరుచున్న
మూఁడుజేనలఖండంబు జోడు చేసి
తీర్చి తూణాసనము క్రిందఁ దిరిగిరా న
మర్తు రది మేఖలాలలామంబు ధరణి.

22


వ.

మఱియును.

23


క.

శిరమున సింహలలాట
స్ఫురణం బిడి జేనకొలఁది సురియవిధమునం
గరిదంతంబున ఖండము
మురువుగ రచియింతు రవల మొన వక్రముగాన్.

24


గీ.

దాని సింహలలాటంబు దరియ మూఁడు
వ్రేళ్ళకొలఁదిని నిడుపుగా వీడఁదొలఁచి