పుట:Dhanurvidyaa vilaasamu (1950).pdf/110

వికీసోర్స్ నుండి
ఈ పుట అచ్చుదిద్దబడ్డది

46

నారాచనిర్మాణము


చ.

అలుఁగు శలాకపుంఖమున నంటఁగ మధ్యమ మేకఖండమై
యలుఁగును పుంఖమగ్రమును నాదిమమై పొసగన్ ద్రిఖండమై
యలుఁగున పింజె నందదుకులై చెలువొంది పసిండికట్టునం
దలమగు నారసంబు ద్విరదం బరదంబు నగల్చు నుగ్రతన్.

192


క.

అలుఁ గష్టాంగుళమానము
గలనారాచంబునకును గరులిడ నదియున్
బలువిడి శార్ఙ్గము కొలఁదిన్
జులుకన కఠినంపుగుఱిని జొరనేయుటకున్.

193


వ.

వెండియు నొక్కవిశేషంబు గలదు.

194


ఉ.

ప్రోడతనంబునం గనకపుంఖము దాఁక శలాక నేకమై
కూడ నమర్చుచున్ గరులు గూర్చక తీర్చిన నారసంబునన్
వీడని పన్నిదంబునను విశ్రుతి మీఱ నిషంగరంగమం
దీడుగ మూఁడువిండ్ల కొలఁదిన్ నినుపన్ దగు లక్ష్యవేదికన్.

195


వ.

మఱియు నీయష్టాంగుళనారాచంబు సార్ధశార్ఙ్గత్రయంబు కొలదిని
సార్ధశార్ఙ్గపంచకంబున కొలందినిం గఠినలక్ష్యంబున సబాటంబుగా
నడిపిన ధనుర్ధరుండు ధనురాగమసాంప్రదాయజ్ఞుండని నిర్దేశింపంబడు,
నిట్లు ప్రథమోద్దిష్టంబగు నీయష్టాంగుళాయోముఖనారాచంబునంగల
విశేషం బుపన్యసించితి, ద్వితీయోద్దిష్టంబగు నయ్యష్టాంగుళాయో
ముఖనారాచంబునం గలవిశేషంబు లుపస్యసించెద నాకర్ణింపుము.

196


చ.

అలుఁగు శలాకకున్ నడుము నానఁగ మాఱుశలాకఁ గూర్చుచో
నలుఁగును మూఁడుఖండములు నాదటఁ బుంఖముగా నమర్చినన్
నలువుగ నైదుఖండములు నాల్గదుకుల్ గనుపట్టుచుండు ని
మ్ముల నలుఁ గంగుళాష్టకసమూర్జితమై తగు నారసంబునన్.

197


వ.

వెండియు నిన్నారాచం బేకశార్ఙ్గంబు కొలందిం గఠినలక్ష్యభేద
నంబగు నదియునుంగాక.

198