పుట:Dhanurvidyaa vilaasamu (1950).pdf/100

36

ధనుర్నిర్మాణము

మ.⁠

ధను విష్వాసము ధన్వ కార్ముకము కోదండంబు బాణాసనం బును చాపంబును నా సుధీప్రణిహితంబుల్ నామముల్ గాంచి స య్యన శార్ఙ్గంబన వంశజంబయి సఖండాఖండభావంబులన్ దనరున్ విల్లు గిరీశవిష్ణుపురుహూతప్రోతమై ధారుణిన్.

⁠ 144

గీ.⁠

స్థవిరమహిషశృంగశకలయుగ్మంబును బదరదారుఖండపంచకంబు శైలసంఖ్య గూర్చి శార్ఙ్గంబు సేతురు ధీరమతులు కొన్నిదేశములను.

⁠ 145

ఉ.⁠

రెండు విషాణఖండములు రెండును రెండును రెండు మీఁద నొ క్కండును గాఁగ దారుమయఖండములుం జతగూడి తొమ్మిదై యుండఁగఁ గొన్నిదేశముల నొయ్యన గూర్తురు శార్ఙ్గచాపమున్ ఖండము లేక వంశభవకార్ముకముం దగు సుప్రసిద్ధమై.

⁠ 146

సీ.⁠

అటని కార్ముకశృంగ మాదండ గొనయమ్ము         సరవి నెక్కిడు చోట్ల సవరణములు, సవరణంబుల దండ ఠవణించు గొటిమలు         గొటిమల కందముం గూర్చు కొమలు, కొమలకు వెలిదండ కొమరారు పృష్ఠంబు         లోదండ వక్షమ్ము నాఁదనర్చు, సన్నంపుగౌను లస్తకము సంధించుచో         సాయకం బిడుచోట శరధియండ్రు,

⁠

తే.⁠

యిన్నియును విస్తరించితి నేరికైన యిది శిరోభాగ మిది పుచ్ఛ మివ్వివిధంబు చిరతరాభ్యాసవశమున చిత్త మెఱుఁగు గాని యిదమిత్థ మని పల్కఁగాదు సుమ్ము,

⁠ 147

వ.⁠

శార్ఙ్గవిధానంబు వివరించెద నాకర్ణింపుము.

⁠ 148