పుట:Chatupadhyamanimanjari - Veturi Prabhakar Sastry.pdf/67

వికీసోర్స్ నుండి
ఈ పుట అచ్చుదిద్దబడ్డది

56

చాటుపద్యమణిమంజరి

    దొరఁగె రిపుకోటి నీదెరా బిరుదు కోటి
    రాయరఘునాథ పంచణ ప్రభుకిరీటి.
సీ. సమరాన శాత్రవసమితిశిరోజముల్
                    గసకస ఘాసమ్ముకరణి నమలి
    కదనాన విమతులకండలు గుండెలు
                    ఝళఝళ కబళమ్ముసరణి మెసఁగి
    ప్రధనాన మార్తుఱప్రక్కలు డొక్కలు
                    కరకర ఖాణంబువరుస మెక్కి
    బవరానఁ బరరాజవరులరక్తంబులు
                    గళగళ జలములగతిని గ్రోలి
గీ. మొట్టి మర్దించి చుట్టుక మెదలనీక
    గొట్టి గోరింప రణమున గుండె లవిసి
    తొరఁగె రిపుకోటి నీదెరా బిరుదు కోటి
    రాయరఘునాథ పంచణ ప్రభుకిరీటి!
సీ. గర్వాంధపరిపంధిగంధసింధురముల
                    కొమ్ముకత్తుల మొనల్ కొట్టి కొట్టి
    చెనఁటిదునేదార్లశిరముల గొగ్గీల
                    గొలుసులు వీడంగఁ గూల్చి గూల్చి
    మూర్ఖారివీరులౌ ముసలమానులమోము
                    ముక్కుదూలము లూడ మోఁది మోఁది
    ఘోరవజీమోటుజీరాలయుంగరాల్
                    చెదరి ఝల్లన రాలఁ జెండి చెండి
గీ. చీఱి తూఱుచు ఖురములఁ జించి చించి
    పేరెములు వార బారువ పెంట లగుచుఁ
    దొరఁగె రిపుకోటి నీదెరా బిరుదు కోటి
    రాయరఘునాథ పంచణ ప్రభుకిరీటి!