సిద్ధయ తిక్కన
27
పెన్నఁదనంబు నొందె మనవిక్రమసింహపురంబు చూడఁగాఁ
బున్నమచంద్రుఁ బోలు మనపోలమతిక్కఁడు లేమి నక్కటా!
సిద్ధయ తిక్కన
ఈ తిక్కన రణనిహతుఁ డయినపిదప వేములవాడ భీమకవి యాతని యింటికేఁగి యాతని భార్యను ‘దీర్ఘసుమంగలీభవ’ యని యాశీర్వదించెనఁట! ఆమె భర్తృవియోగవార్త తెలిపి శోకింపఁగా నాతఁడు—
క. గుణముల నిధాన మగు మన
రణతిక్కన తాఁ గళేబరంబును శిరమున్
గణఁకమెయిఁ గలయ బ్రదుకును
బ్రణుతాఖిలవైరమకుటబాసితపదుఁఢై.
అని పద్యము చెప్పి రణతిక్కన నుజ్జీవింపఁజేసెనఁట! ఇది కట్టుకత. రణతిక్కనను గూర్చి చెప్పఁబడినపద్య మిదియొకటి—
ఉ. ఏమితపంబు చేసి పరమేశ్వరు నేమిటఁ బూజ చేసిరో
రాముని తల్లియు బరశురాముని తల్లియు భీము తల్లియున్
గాముని కన్నతల్లియును గంజదళాక్షుననుంగుఁదల్లియున్
శ్రీమహితప్రతాపుఁజగు సిద్దన తిక్కన కన్నతల్లియున్.
ఉ. శ్రీయలరార శత్రువులఁ జెందితి వార్యులు మంత్రివర్యు లా
ర్వేలఘనుల్ నుతించి రలవేల్పుదొరల్ ముదమంది మెచ్చిరో
లాలితశౌర్యధైర్య జయలక్ష్మి ప్రియంబున ని న్వరించె నీ
లీలలు హెచ్చెఁ దిక్కనికళేబరమా! యిఁక నిల్చి యాడుమా!
