షట్చక్రవర్తులు
21
బ్రాహ్మణభక్తిసంపన్నసౌజన్యత
విప్రవశు డన వినుతి కెక్కె
ఇరువేలవర్షముల్ గుఱుతుగా నొకదినం
బాదిగాఁ గలయధ్వరాళిఁ జేసె
త్రిభువనప్రీతిగా దివ్యకోదండుఁడై
బహుకోటిదనుజుల బల మడంచె
గీ. ప్రకటశాత్రవభంజనభైరవుండు
పౌత్త్రతాయత్తకౌరవపౌరవుండు
హర్షితానేకజనవినుతారవుండు
గౌరవోన్నతి నొప్పెఁ బురూరవుండు.
సీ. పటుశక్తిశౌర్యు లర్వదివేవు రాత్మజుల్
పనిసేయ నిమ్మహీభరము దాల్చె
ఒక్కొక్కసుతుపేర నొక్కొక్కపట్టణం
బిలయెల్లఁ గల్పించె నలఘుమహిమ
అన్నిపట్టణముల నఖిలమహారత్న
చయములు గల్గ రాజ్యంబు చేసె
పుత్త్రమోహభ్రాంతి పొందక మర్యాద
తొలఁగినసుతుల నిల్ తొలఁగఁ దోలె
గీ. చెప్ప నొప్పదె నిజపౌత్త్రచిత్రఘోర
తమతపోలబ్ధగంగాంబుతరళసలిల
వీచికానూనసోపానవితతయాన
మననివాసత వైకుంఠనగరు సగరు.
సీ. హేహయవంశధాత్రీశాబ్ధిచంద్రుఁడై
జనియించి విశ్వభూచక్ర మేలె
అచ్యుతమూర్తి దత్తాత్రేయయోగీంద్రు
చేత జగజ్జైత్రసిద్ధి వడసె
