పుట:Chatupadhyamanimanjari - Veturi Prabhakar Sastry.pdf/215

వికీసోర్స్ నుండి
ఈ పుట అచ్చుదిద్దబడ్డది

204

చాటుపద్యమణిమంజరి

    మండలమేలువానిఁ దనమర్మ మెఱింగినవాని నిష్టునిన్
    ఖండితమాడునే నదియు గండమయా శరభాంకలింగమా!

భైరవా


చ. కలిగినవానియింట శుభకార్యము గల్గినఁ గీడి గల్గినన్
    బిలువకమున్నె బాంధవులు పెల్లుగఁ బోయి తదంగమంతయున్
    దెలుపుచునుందు రాతనికి దీనునియింట శుభంబె కల్గినన్
    బలుమఱుఁ బిల్చినప్పటికిఁ బల్కరుగా యెవరైన భైరవా!
చ. పరువు గ్రహింపనేర కొకపాటిదురాత్ముఁడు మించనాడినన్
    సరసు లెఱింగి మార్కొనక సైఁచినయంతట నైచ్య మై లగున్?
    అరుదుగ వచ్చు మార్గమున కడ్డముగా నొకకుక్క వచ్చినన్
    గఱచినఁ గోపగించి కరి కర్వగరాదుగదయ్య భైరవా!
గీ. ఇఱుకరాదు చేత నిసుమంతని ప్పైనఁ
    గొఱుకరాద యినుము కొంచె మైన
    నఱుకరాదు నీళ్ళు నడిమికి రెండుగా
    బెఱుకరాదు బావి పెళ్ళగిలఁగ.
ఉ. ఎక్కడి కేఁగెదో వడుగ యేఁగెద బెండ్లికి మాడ లేవిరా
    నిక్కము నాల్గు చేఁగలవు నీకటరా యవియేవి చూపుమీ
    యొక్కటి త్రోవలోఁ గనెద నొక్కటి కొక్కరిఁ బూట పెట్టెదన్
    ఒక్కటి తప్పనెంచెద మఱొక్కటి లే దని కొక్కరించెదన్.
సీ. పోఁకలు నమలుచు నాకులు చేకొని
                    సున్న మడ్గినవాఁడు శుద్ధవిధవ
    ఇద్దఱు నొకచోట నేకాంతమాడంగ
                    వద్ద జేరినవాఁడు వట్టి విధవ