200
చాటుపద్యమణిమంజరి
గువ్వలచెన్ననిపద్యములు
క. అడుగఁ దగువారి నడుగక
బడుగుల నడుగంగ లేమిఁ బాపంగలరా
వడగళ్ళఁ గట్టువడునా
గుడి రాళ్ళను గట్టకున్న గువ్వలచెన్నా.
క. సారాసారము లెఱుఁగని
బేరజులకు బుద్ధిఁ జెప్పఁ బెద్దల వశమా?
నీరెంత పోసి పెంచినఁ
గూరగునా నేలవేము?గువ్వలచెన్నా!
క. కలిమిఁగల నాఁడె మనుజుఁడు
విలసనమగు కీర్తిచేత వెలయఁగ వలెరా!
గలిమెంత యెల్లకాలము
కులగిరులా కదల కుండ? గువ్వలచెన్నా!
క. కలిమిగల లోభికన్నను
విలసితమగు పేదమేలు వితరణియైనన్‌
జెలమైన మేలుకాదా
కులనిధియంభోధికన్న గువ్వలచెన్నా!
క. విలువరుస దానగుణములు
గలవారికిఁ గాక లోభిగాడ్దెల కేలా
తలు పేల చాఁప గుడిసెకు
గులపావనకీర్తి వన్న గువ్వలచెన్నా!
క. వెలివిద్య లెన్నయైనను
గులవిద్యకు సాటిరావు కుంభినిలోనన్
వెలకాంత లెంద ఱున్నను
గులకాంతకు సాటిరారు గువ్వలచెన్నా!
