పుట:Chatupadhyamanimanjari - Veturi Prabhakar Sastry.pdf/208

వికీసోర్స్ నుండి
ఈ పుట అచ్చుదిద్దబడ్డది

రాజ్యతంత్రము

197

    షణ్మతజ్ఞానవంతు నాచార్యుఁ జేయు
    వార్త కెక్కనికీర్తి కావలయునేని.
సీ. శరణన్నశత్రునిఁ జనవిచ్చి రక్షించు
                    దీనులమనవులఁ దెలియ వినుము
    విష్ణుభక్తులజోడు విడువక వర్తించు
                    మాధవుపైచింత మఱవఁబోకు
    పేదసాదులనేలఁ బిలిచి రక్షింపుము
                    పలుచనిపలుకులు పలుకఁబోకు
    అన్నదమ్ములసొమ్ము లపహరింపఁగఁ బోకు
                    తలిదండ్రిహితవును దప్పఁబోకు
గీ. దయయు సత్యంబు మదిలోనఁ దఱుగనియకు
    పరసతులమీఁద భావంబు పాఱ నీకు
    భగవదర్పణ కానిది పట్టఁబోకు
    నెలయ మోక్షాభివృద్ధి కావలయునేని.
సీ. నమ్మినవారల నమ్మి వర్తింపుము
                    నమ్మనివారల నమ్మఁబోకు
    మఱి శత్రువులమీఁద మఱపించి దండెత్తు
                    కైజీతగాండ్రను గలుగనేలు
    పొడిచి గెల్చినవారిఁ బోనీక మన్నించు
                    వంచించు మన్నీల గొంచెపఱచు
    వెరపుమాలినవాని దొర సేయఁ బోకుము
                    పందకు సేనాధిపత్య మియకు
గీ. చేరి చనవిచ్చి దాయల మీఱనియకు
    నిక్కమైనట్టి రాణువలెక్క లెల్ల
    నెలమి నశ్రద్ధ చేయక తెలియవినుము
    వెలయు భాగ్యాభివృద్ధి కావలయునేని.