పుట:Chatupadhyamanimanjari - Veturi Prabhakar Sastry.pdf/185

వికీసోర్స్ నుండి
ఈ పుట అచ్చుదిద్దబడ్డది

174

చాటుపద్యమణిమంజరి

    బి ట్టట్టనక వహించిన
    దిట్టఁడ! ననుఁ బోలఁగల సుధీవరు లేరే?
నక్కలపాటి బాలసరస్వతి యను కవీశ్వరుఁడు కడపరెడ్లనుగూర్చి చెప్పినది—
ఉ. రెడ్ల మటంచుఁ గ్రొవ్వునఁ జరించి వరాలు గడించె యూరకే
    బుడ్లకొలందిఁ ద్రావి కడుపు ల్కడుఁ బెంచి వివేకహీనులై
    యెడ్లవలెన్ వసించు గుణహీనుల కెక్కడి కీర్తు లోరి వి
    ద్విడ్లయకాల! గోళ్ళ చినతిమ్మతనూభవ! తాతభూవరా!
దేవలూరి కేశవరెడ్డియను నాతఁ డొకకవీశ్వరుఁడు త్రోవ నరుగుచుండఁగా—ఓహో! కపీశ్వరులా! యని గేలిచేసెనఁట! కోపము వేడెత్తి యాకవీశ్వరుఁ డీపద్యముఁ జెప్పెను.
క. పీ పట్టినట్టు నోరను
    వీ పట్టదదేమి నీకు? వీ, పీ, లందున్
    దీపయి రుచిపుట్టెనొ నీ
    కీపట్టున దేవలూరి కేశవరెడ్డీ!
నారయప్పారావువారి సంస్థానమున జమాబందికిఁ గరణములు వచ్చి చిరకాలము నూజివీట వసింపవలసివచ్చుచుండెడిదఁట! ఒకప్పు డాపరస్థలవాసక్లేశమును సైఁపలేనికరణమొకఁడు నారయభూపాలునొద్దఁ జెప్పిన పద్యము—
త. శీతజలస్నానంబును
    భూతలశయనంబు నొంటిపూ టశనంబున్
    నాతిగలబ్రహ్మచర్యము
    నాతరమా! పూట గడప నారయభూపా!