పుట:Chatupadhyamanimanjari - Veturi Prabhakar Sastry.pdf/17

    సిద్ధ! వైకుంఠనాథ! లక్ష్మీసనాథ!
    రక్షణపరాయణుండ! నారాయణుండ!
సీ. విరజానదీపరివృతసప్తసాలావృ
                    తపరమభాగవతసదనపద
    వైకుంఠభువనభవనసదనానుకృ
                    తనవీనపవనాదతల్పమున జ
    గత్కల్పనాకల్పకల్పుండవై కుడి
                    కాలు వంచి యెడమకాలు సాఁచి
    కుడిచే యనంతుని యొడలిపై నెడమచే
                    యిని జానువందున నిడి వెనుకటి
గీ. కరయుగంబుల శంఖచక్రములు మెఱయ
    సిరియు భువి నీళ గొలువ భాసిల్లు నిను భ
    జింతు వైకుంఠనాథ! లక్ష్మీసనాథ!
    రక్షణపరాయణుండ! నారాయణుండ!
సీ. శ్రీదేవిభూదేవి సేవింపఁ గస్తూరి
                    తిలకము మాణిక్యములుఁ గిరీట
    ము మకరకుండలములుఁ గౌస్తుభమణి తా
                    ళీలు లక్ష్మీకుచాలేపము వన
    మాల శ్రీవత్సము మంచిసాలు భుజకీ
                    ర్తులు బాజుబందులు గొలుసులు మురు
    గులు బటువులు ముద్రికలు శంఖచక్రాది
                    పంచాయుధములు సుభద్రసూత్ర
గీ. కలితపీతాంబరంబు గజ్జెలు వెలుంగ
    నా హృదయపీఠి నుండు మామ్నాయసుప్ర
    సిద్ధ వైకుంఠనాథ! లక్ష్మీసనాథ!
    రక్షణపరాయణుండ! నారాయణుండ!
సీ. మహనీయమత్స్యకూర్మవరాహనరసింహ
                    వామనభృగురామరామరామ