పుట:Chatupadhyamanimanjari - Veturi Prabhakar Sastry.pdf/165

వికీసోర్స్ నుండి
ఈ పుట అచ్చుదిద్దబడ్డది

154

చాటుపద్యమణిమంజరి

    దొగరున రక్షగట్టి మదిఁదోఁపక గద్గదఖిన్నకంఠియై
    వగరుచుచున్నఁ జూచి రఘువంశవరేణ్యుఁడు తల్లి కి ట్లనున్.
చ. తొగరుచి కన్నుదోయిఁగడుఁ దోఁపఁగఁ గర్ణుఁడు భీమసేనుపైఁ
    దగరుధరాధరంబునను దాఁకినభంగిని దాఁకి నొచ్చి తా
    వగరుచుచున్ వెసన్ బరుగువాఱిన నచ్చటిరాజలోకముల్
    నగరు సుయోధనాజ్ఞ మదినాటుటఁ జేసి ధరాతలేశ్వరా!
చ. వగరుపుమాత్రమే వరుఁడు వశ్యుఁడు గాఁడు సఖీసఖత్వమె
    న్న గరుడవాహనుండు మము నాఁడటు డించుటయెల్ల నుద్ధవా
    తగ రని కాక మోహపులతాతను లైన విడంగఁ జూతురే
    తొగరుచి యోషధీశునకుఁ దోపఁగఁజేయునె వీడనాడఁగన్?
కృష్ణరాయలు ధూర్జటికవి కవనశక్తినిఁగూర్చి పద్యరూపమునఁ బ్రశ్నింపఁగా నొక కవి పూరించిన పూరణము—
చ. స్తుతమతియైన యాంధ్రకవిధూర్జటిపల్కుల కేల కల్గెనో
    యతులితమాధురీమహిమ!—హా! తెలిసెన్ జగదేకమోహనో
    ద్ధతసుకుమారవారవనితాజనతాగనతాపహారిసం
    తతమధురాధరోదతసుధారసధారలఁ గ్రోలుటం జుమీ.
రాయలకోరికపై నీక్రింది మూఁడుపద్యములును బెద్దన తిమ్మన భట్టుమూర్తి కవులచే రచింపఁబడినవి—
శా. రంతుల్ మానుము కుక్కుటాధమ! దరిద్రక్షుద్రశూద్రాంగణ
    ప్రాంతోలూఖిలమూలతండులకణగ్రాసంబుచేఁ గ్రొవ్వి దు
    ర్దాంతాభీలవిశేషభీషణఫణాంతర్మాంససంతోషిత
    స్వాంతుండైన ఖగేంద్రుకట్టెదుర నీజంజాటముల్ సాగునే?
ఉ. స్థానవిశేషమాత్రమునఁ దామరపాకున నీటిబొట్ట! నిన్
    బూనిక మౌక్తికంబనుచుఁ బోల్చినమాత్రన యింతగర్వమా