తనువులు ధనువులు రాజుల
చనవులు నెన్నాళ్ళు నమ్మ సాళువతిమ్మా!
కోటిపల్లి శరభరాజు
గీ. నీతిదానహీనుని నియోగి నెవ్వరు
కరణ మనరు వానికరుణ మనరు
జాణ కోటిపల్లి శరభన్న నందఱు
కరణ మనిరి వానికరుణ మనిరి.
వేములవాడ భీమకవి
ఈతఁడు పండ్రెండవశతాబ్ద్యారంభమున నున్నవాఁ డందురు. ‘లేములవాడ భీమకవి’ యనుపేరు కొన్నిపద్యముల యతిస్థానస్థాపితమై కలదు. అతఁడు నీతఁడును వేఱో! ఒక్కరో! ఈతఁ డాంధ్రకర్ణాటభాషలలో గొప్పకవి.
సీ. గడియలోపలఁ దాడి కడఁగి ముత్తునియగాఁ
దిట్టిన మేధావిభట్టుకంటె
రెండుగడెల బ్రహ్మదండిముండ్లన్నియు
డుల్లఁ దిట్టిన కవిమల్లుకంటె
మూఁడుగడెలకుఁ దా మొనసి యత్తినగండి
పగులఁ దిట్టిన కవిభానుకంటె
అఱజాములోపలఁ జెఱువునీ ళ్ళింకంగఁ
దిట్టిన బడబాగ్నిభట్టుకంటె
ఆ. ఉగ్రకోపి నేను నోపుదు శపియింపఁ
గ్రమ్మఱింప శక్తి కలదు నాకు
