పుట:Chatu Padya Ratnakaramu - Deepala Pichchayya Sastry.pdf/59

వికీసోర్స్ నుండి
ఈ పుట అచ్చుదిద్దబడ్డది

42

చాటుపద్యరత్నాకరము

   స్కారులు రామచంద్రపురసాలనివాసులు రామచంద్రవం
   దారులు రామచంద్రవసుధాపరపౌత్త్రులు రామచంద్రధా
   త్రీరమణాభిధానులు వరిష్ఠవసిష్ఠగోత్రపావనుల్
   కారణజన్ము లబ్ధశశికల్పకమేఘసమానదానదీ
   క్షారతు లిందిరాసుతజయంతవసంతసమానసుందరా
   కారులు బ్రహ్మకల్పము సుఖంబుగ వర్ధిలువార లీధరన్.

కాళహస్తిరాజుపైఁ జెప్పినది—

ఉ. దామెరవేంకటక్షితిప! తావకపాండురకీర్తిదీధితి
   స్తోమము లిందుభాస్తతులతో నెదిరించి తృణీకరించె నౌ
   గాములకేమి యోజనలు కాని యశంబులు మేయుశంబరం
   బేమర కుబ్బు మీఱ వసియించునె డాసి తదంతరంబునన్.

దంతులూరి వేంకటకృష్ణరాజుపైఁ జెప్పినది—

ఉ. పండితమౌళి శిష్టకులవార్నిధిసోముఁడు కృష్ణమూర్తి కా
   ఖండలతుల్యవైభవు లఖండితదానవినోదు లౌర భూ
   ఖండ మొసంగి రిప్పు డది కాపుర ముండమిఁ బోవ దగ్గఁగా
   నుండనిముక్కు తుమ్మిన మఱుండునె? కృష్ణనృపాలకాగ్రణీ!

చ. సలలితలీల నెత్తఱిని సత్యపదస్థితి తప్పకెల్ల సూ
   రులకుఁ బ్రమోదసంతతినిరూఢి తగన్ సమకూర్చి జీవనం
   బులికెడు మర్త్యమూర్తి మముఁ బ్రోవఁడె కృష్ణమహేంద్రచక్రమూ
   ర్తి లసదనంతకీర్తి యవధీరితమామకహృద్గతారియై.

ఉ. పైపయిరంగులం గదిసి పన్నుగబోగపుటన్నువన్నె పెం
   పై పనుపడ్డ కబ్బముల కబ్బురమా? వెరమాను మేలు వాల్
   చూపులప్రాపులన్ వలపుఁజూపుచు నీటగుమాటతేట బల్
   దీపులు పుట్ట నెట్టనఁ బదింబదిగా నెదఁ జిక్కి చొక్కపుం