పుట:Chatu Padya Ratnakaramu - Deepala Pichchayya Sastry.pdf/40

వికీసోర్స్ నుండి
ఈ పుట అచ్చుదిద్దబడ్డది

ప్రథమతరంగము

23

గీ. పల్లవము పూని సకియమే నెల్లఁజేసి
   పద్మగర్భుఁడు లాఁ దీసి వాగుడిచ్చి
   మూ విసర్జించి యప్పు డప్పూవుఁబోఁడి
   డెంద మొనరించె సందేహ మందనేల?

క. తారకములఁ గోరకముల
   వారకములకెల్ల నెల్ల వారకము లిడున్
   శ్రీరమణీహారమణీ
   భారమణీయత్వదీయపదనఖరంబుల్.

క. జలవరము మిడుత మ్రింగెను
   జలచరమును మిడుత మ్రింగె జగతీస్థలిలో
   వలరాజు రాజు మ్రింగెను
   వలరాజును రాజు మ్రింగవచ్చినఁ బడియెన్.

గీ. చాన నెమ్మోము గెల్చుఁ గంజాతములను
   కాంత కంజాతముల గెల్చుఁ గంధరమును
   కంధరంబును సమదశంఖంబు గెల్చు
   శంఖభావంబు నయ్యర్ధచంద్రు గెల్చు.

చ. ఉవిదమిటారిచన్గవకు నోడి గుళుచ్ఛము లీనమౌచు రెం
   డవతను పూనియున్ మొదటినైజగుణంబును వెండి వీఁగి మె
   త్తవడి రజస్స్థితిం దొఱఁగి తా విగతాశ్రయమై యుదాత్తతా
   ధివసతి యయ్యుఁ దద్విధి గతించినఁ జాలక తుచ్ఛమై చనెన్.

గీ. కచకుచాననగళనేత్రకరయుగముల
   కళికుభృచ్చంద్రదరవారిజలత లోడి
   పాఱె ధరఁజొచ్చెను గృశించె వారి మునిఁగె
   బంకమునఁ జిక్కె నిడుదలై బయలుకుఱికె.