తృతీయతరంగము
153
జయలక్ష్మి వరియింప సమరశూరలఁ జేయఁ
బ్రస్తుతింపఁగ వాతరట్టు భట్టు
మంగళపాఠకమహితనామముఁ దాల్ప
విభుశుభంబులమీఁది బెట్టు భట్టు
రాజవర్యులకీర్తిరమణ స్వర్గం బను
మేడపై కెక్కింప మెట్టు భట్టు
గాన మీవంటిసత్కీర్తికాము లైన
పార్థివావళిభట్టుఁ జేపట్టవలయు
నాహవోపేంద్ర! పెమ్మసాన్యన్వయేంద్ర!
నయసుగుణాంద్ర! చినతిమ్మనాయనేంద్ర!
మాకనృపతి
ఉ. మేలిమితోడఁ దద్రిపుల మెట్టుచు రెక్కలగాలిచేతఁ బా
తాళముఁ దూలఁ గొట్టుచును తారలముట్టును నీదు పేరముం
గూళకుమార! మాకనృపకుంజర! శూరనృపాల! ధీర! నీ
సాళువపిట్టతోడ సరిసాటియె తక్కినయూరపిచ్చుకల్.
కంబనృపాలుఁడు
ఈతఁ డుదయగిరి దుర్గాధిపతి
సీ. మును పొకమాటాడి వెనుక నిల్పఁగ లేని
నరనాథులను ఱొమ్ము చరిచినాఁడు
తాను మాన్య మొసంగి నే నీయ నని పల్కు
మూర్ఖులశిరముల మొట్టినాఁడు
యెవ్వ రేమడిగిన నీయఁ జాలనియట్టి
పృథ్వీశులకుఁ బొమ్మఁబెట్టినాఁడు